हिमालयखवर संवाददाता

अमेरिका- अमेरिकाको पुर्वी क्षेत्रमा आएको फ्लोरेन्स नामक आंधीवाट २३ जनाले ज्यान गुमाएका छन् । यो आंधीको असर कम हुदैं गएपनि क्षति अझ बढ्न सक्ने उद्धारकर्ताहरुले वताएका छन् । नर्थ र साउथ क्यारिलोना राज्य आधंीको चपेटामा परेका थिए । बर्षा हुने क्रम अझै नरोकिएकाले क्षतिको पुर्ण विवरण आईपुगेको छैन ।

 

त्यहांका कतिपय स्थानिय नदीमा पानीको बहाव अत्याधिक हुदां खतरा स्थिति कायमै छ । उक्त आंधीका कारण करिव १५ लाखलाई सुरक्षित स्थानमा जान सल्लाह दिईएको थियो । 

 

आंधीले कयौंको घर र व्यवसायमा पनि असर पारेको छ । कयौं सडकहरु अवरुद्ध भएका छन् । रुखहरु ढलेका छन् सडक पानीमय भएको छ । स्थानिय यातायात विभागले हाललाई नर्थ क्यारिलोना भ्रमण नगर्न सर्वसाधारणलाई सचेत गराएको छ ।

 

त्यहां विशालु सर्पको समेत जोखिम वढेको छ । कयौं स्थानमा विद्युत आपुर्ति बन्द भएको छ । उद्धारकर्ताहरु त्यहां जुटिरहेका छन् ।

 

नर्थ र साउथ क्यारिलोनामा नेपाली समुदायको वस्ती पनि बाक्लो छ । यो आंधीवाट नेपाली कति प्रभावित भए नभएकोे जानकारी आएको छैन ।