काठमाडौँ । प्रधानमन्त्री केपी शर्मा ओली प्रदेश नम्बर २ को प्रदेशसभा बैठकलाई सम्बोधन गर्न मंहगौ हेलिकोप्टर चढेर जनकपुर पुगे । जव कि हवाइ सुविधाकै हिसाबले जनकपुरमा आधादर्जन बढी हवाई कम्पनीले नियमित उडान भर्ने गर्छन् ।
सर्वसाधारणलाई पनि हवाइ टिकट पाउन गाह्रो छैन । सरकार प्रमुख प्रधानमन्त्रीजस्तो मान्छेलाई टिकट काटिरहनुपर्ने झन्झट पदैृन । जनकपुरमा सरकारी हवाइ अड्डा नेपाल वायु सेवा निगमको विमान सेवा छैन ।
निजी कम्पनीहरुले मात्रै काठमाडौँ जनकपुर उडान भरिरहेका छन् । निजी विमानको भाडा महंगो पनि छैन् । सस्तोमा ३३ सयदेखि महंगोमा ४८ सय रुपैयाँसम्ममा काठमाडौंबाट सहजै जनकपुर पुग्न सकिन्छ । महंगोकै हिसाब गर्दा पनि आते–जाते भाडा ९ हजार ६ सय रुपैयाँमात्र पर्न आउँछ ।
प्रदेश २ को सभालाई सम्बोधन गर्न जाँदा प्रधानमन्त्री एक्लै जाने कुरा भएन । पार्टीका अर्का अध्यक्ष पुष्पकमल दाहाल पनि जानै पर्यो । २ जनाको आतेजाते हवाइ भाडा १९ हजार २ सय रुपैयाँ । दुुई चार जना सुरक्षा गार्ड र दुई चार जना आसे पासेसहित एकदर्जन टोलीको पनि एक लाख रुपैयाँभन्दा बढी खर्च हुँदैन ।
प्रदेशसभाले प्रधानमन्त्री र उनको टोलीलाई खानपिनसमेत खुवाउने सार्वजनिक गरिसकेको छ। शनिबार केही घण्टा जनकपुर बस्दा उनको टोलीले खर्च बेहोर्नु पदैृन । तर, सरकार प्रमुखको सुरक्षाको सवाल छ । निजी विमानबाट आउने जाने कुरा सोच्न पनि भएन । सुरक्षा खतरा भइहाल्छ । हेलिकोप्टर नै चाटर्ड गर्दा पनि निजी कम्पनीतिर आँखा लगाउने चलन छैन्, सुरक्षाकै कारणले । त्यसैले रोजिन्छ नेपाली सेनाकै हेलिकोप्टर ।
नेपाली सेनासँग साना हेलिकोप्टर पनि छन् । व्यक्तिगत कामका लागि सेनाले हेलिकोप्टर उपलब्ध गराउँदा सर्वसाधारणसँग प्रतिघण्टा १ लाख २५ हजारको दरले लिने गर्छ । सानो हेलिकोप्टरले प्रधानमन्त्रीको टोलीलाई धान्न सक्दैन । त्यसैले ठूलै हेलिकोप्टर चार्टर गनुृपर्छ ।
एम आई सेभेन्टिन हेलिकोप्टरको चार्ज सेनाले अरुसँग एक घण्टाको ४ लाख ६२ हजारको दरले लिनेगर्छ । तर, सरकार प्रमुख र राष्ट्रप्रमुखले यो हेलिकोप्टर प्रयोग गर्दा भाडा तिर्ने चलनै छैन । आयोजकले नै सरकार प्रमुख र राष्ट्र प्रमुखलाई निम्ता गर्दा भने कहिलेकाहीँ दिने गरेका छन् । तर प्रधानमन्त्री, राष्ट्रपतिले यसरी भ्रमण गर्दा अहिलेसम्म सेनालाई हेलि भाडा दिने गरिएको छैन ।
प्रधानमन्त्रीको प्रदेशसभा सम्बोधनका क्रममा नेपाली सेनाको एम आई सेभेन्टिन हेलिकोप्टर बिहान १० देखि दिउँको ४ बजेसम्म नै इन्जेग भएको छ । यदि अरु कसैले यो हेलि ६ घण्टाका लागि लिएको भए नेपाली सेनाले २७ लाख ७२ हजार रुपैयाँ भाडा पाउँथ्यो । सेनालाई नदिए पनि यो रकम सरकारी कोषकै रकम सिद्धिने हो ।
प्रधानमन्त्रीले एउटा प्रदेशसभालाई सम्बोधन गर्न जाँदा २७ लाख ७२ हजार खर्च १ जबकि मितव्ययी हुन सकेको भए १ लाख रुपैयाँ हवाई भाडामै मजाले काम चल्थ्यो । चर्का कुरा गर्न माहिर प्रधानमन्त्री र उनका आसेपासेले भन्न सक्लान् गाडीमा गएको भए अझ सस्तो पथ्र्यो होला १ हो नि त के फरक पर्छ प्रधानमन्त्री गाडीमा हिँड्दा रु प्रधानमन्त्री बन्नुअघि र पदमा नहरँदा उनी यसरी नै एम आइ सेभेन्टिनमा सयर गर्थे र रु पाएको सुविधा लिने भन्दैमा राज्यकोषको रकम ढुटो पार्नुपर्छ भन्ने केही छैन । एजेन्सी
प्रतिक्रिया