ड्यालस (टेक्सस) – नेपाली समाज टेक्सस र श्रष्टा साँझले संयुक्त रुपमा भोली अाइतबार अर्भिङमा स्थानीय श्रष्टा बैकुष्ठ आचार्यको नयाँ कृति ‘न्यास्रो जन्मभूमिको’ समिक्षा कार्यक्रम आयोजना गर्ने भएका छन् ।
आइतबार साँझ ५ बजेदेखि नेपाली मन्दिर अर्भिङमा आचार्यको नयाँ कृतिको सार्वजनिकरण सहित समिक्षा कार्यक्रम राखिएको श्रष्टा साँझका प्रभात दीक्षितले जानकारी दिए । त्यस अवसरमा स्थानीय नेपालीभाषी श्रष्टाहरुलाई सम्मान कार्यक्रम समेत राखिएको छ । हालसम्म साहित्यीक पुस्तक प्रकाशित गरेका टेक्ससमा १० जना साहित्यकारहरूलाइ समेत सम्मान गर्ने कार्यक्रम रहेको छ । आचार्यको नयाँ कृतिको प्रकाशन श्रष्टा साँझले गरेको हो ।
श्रष्टा साँझले हिमालय खबरसँगको सहकार्यमा विगत केही महिनादेखि ड्यालसमा साहित्यिक कार्यक्रमहरु गर्दै आएको छ । यसपटक देखि नेपाली समाज टेक्सस समेतको सहकार्यमा यस्ता कार्यक्रमहरु गर्न लागिएको हो ।
प्रतिक्रिया