काठमाडौँ । चिकित्सा शिक्षा सुधारको माग गर्दै २७ दिनदेखि आमरण अनशनमा बसेका डा गोविन्द केसीले अघि सारेका मागका बारेमा वार्ता समितिबीच सहमति भए पनि डा। केसीले भने आपत्ति जनाएका छन् । डा। केसीको आपत्तिपछि सहमति पत्रमा हस्ताक्षर हुन सकेन ।
सरकारी पक्षले उपत्यकामा १० वर्षसम्म मेडिकल कलेजलाई नयाँ सम्बन्धन दिन नहुने बुँदा खारेज गर्न भनेपछि वार्ता सहमतिमा पुग्न ढिलाइ भइरहेको डा केसी पक्षका वार्ताकार डा। सुरेन्द्र भण्डारीले जानकारी दिए ।
डा केसी आफ्नो अडानमा कायमै रहेकाले सहमति कायम हुन नसकेको हो । काठमाडौं उपत्यकामा १० वर्ष मेडिकल कलेजलाई सम्बन्धन नदिने भन्ने विषयमा डा केसीले असहमति जनाएका छन् । उनले उक्त बुँदा आफूले भनेजस्तै हुनुपर्ने अडान राखेका छन् ।
यसअघि बिहान प्रधानमन्त्री निवास बालुवाटार र सिंहदरबारमा वार्ता समितिबीच सहमति भएको थियो । तर, वार्ता टोलीले सहमतिको विषय डा केसीलाई जानकारी गराएपछि उनले आफ्नो अडान कायमै राखेका थिए । अन्य बुँदामा भने सहमति कायम भएको छ । यसै विषयमा थप वार्ता बालुवाटार भइरहेको छ । संभवत आज नै वार्ता निर्णायक आशा लिइएको छ ।
प्रतिक्रिया