मनोरञ्जन

शनिबार कन्दराले ड्यालसमा प्रस्तुति दिँदै (भिडियो)

213 पटक पढिएको

25th Jul 2018, Wednesday | २०७५ श्रावण ९, बुधवार १५:५६
हिमालयखवर संवाददाता
ड्यालस (अमेरिका) – दुइ दशक अघि नेपाली साङ्गीतिक क्षेत्रमा निकै चर्चा बटुलेको कन्दरा ब्याण्डले यही महिनाको यही शनिबार ड्यालसमा भव्य कन्सर्ट गर्ने भएको छ ।
 
जुलाइ २८ तारिक शनिबार ड्यालसमा पारिवारीक माहोलको भव्य कन्सर्ट गर्न लागिएको व्याण्डका गायक बिवेक श्रेष्ठले जानकारी दिए । मंगलबार युलेसको फिसटेल रेष्टुँरामा अायोजना गरिएको संक्षिप्त पत्रकार सम्मेलनमा श्रेष्ठले ड्यालसमा नेपाली समुदायबाट सहयोग र सद्भावको अपेक्षा गरिएको बताए ।
 
उनले अमेरिकामा यसपटक पाँचवटा कन्सर्ट गर्ने योजना रहेकोमा समय मिलाउन नसक्दा चारवटामात्र गर्न लागिएको समेत जानकारी दिए । 
 
अहिले कन्दरा व्याण्ड कन्सर्टको सिलसिलामा अमेरिकाका बिभिन्न शहरहरूमा कार्यक्रम गर्ने क्रममा रहेको छ । व्याण्डले अघिल्लो हप्ता सोमबार लसएन्जलस र शनिबार अहायोमा कार्यक्रम गरिसकेको छ । २८ तारिक शनिबार भने ड्यालसमा हुँदैछ । 
 
मंगलबारको पत्रकार सम्मेलनमा कन्दरा युएसए टुर अन्तरगत कन्सर्टका लागि व्याण्डका सबै सदस्यहरूको सहभागिता थियो । पत्रकार सम्मेलनमा व्याण्डले अाफ्नो लोकप्रिय गीतहरूका अतिरिक्त लोकगीत, केही राष्ट्रिय गीत, अाधुनिक गीतहरू पनि गाउने छन् । 
 
उनले कन्सर्ट भन्ने बित्तिकै युवाका लागि मात्र भन्ने सोचाइ र बुझाइबाट फरक रहेर सबै उमेर समूह र वर्गलाइ समेट्नेगरि गीत गाउने समेत बताए । 
 
दुइ दशक अघिदेखि सबैको मुखमा झुण्डिएको हङकङ पोखरा, तगारोमा रूमाल राखि, लेककी हे मायाँ, ‘विदेशिएर गइन् उनी मलाई छोडेर, चञ्चले कान्छीको लगायत धेरै लोकप्रिय गीतहरू छन् । 
 
गायक विवेक लगायत सात जनाको टीमले जुलाइ २८ शनिबार ड्यालसको नेपाली सांगीतिक माहोल पुरै तताउने योजना बनाएको छ । कार्यक्रमको व्यबस्थापन गर्ने जिम्मा स्थानीय सफल युवाहरूले लिएका कारण कार्यक्रम भव्य हुनेमा टीमका सदस्यहरू विश्वस्त छन् । 
 
व्यबस्थापनको जिम्मा डिजे मम, दीवस थापा, विकास उप्रेती, चिन्तामणि बराल लगायतले लिएका छन् । मंगलबारको पत्रकार सम्मेलनमा स्थानीय सञ्चारकर्मीहरूका अतिरिक्त समुदायका अग्रजहरूको समेत सहभागिता थियो ।