ड्यालस (अमेरिका) – दुइ दशक अघि नेपाली साङ्गीतिक क्षेत्रमा निकै चर्चा बटुलेको कन्दरा ब्याण्डले यही महिनाको अन्तिममा ड्यालसमा भव्य कन्सर्ट गर्ने भएको छ ।
जुलाइ २८ तारिक शनिबार ड्यालसमा पारिवारीक माहोलको भव्य कन्सर्ट गर्न लागिएको व्याण्डका गायक बिवेक श्रेष्ठले जानकारी दिए । 'कन्सर्ट भन्ने बित्तिकै युवापुस्ताका लागि मात्र हो भन्ने धारणालाइ बदलेर पारिवारिक माहोलको कन्सर्ट हामीले गर्दैछाैँ', बिवेकले हिमालयखबरसँग भने ।
अहिले कन्दरा व्याण्ड कन्सर्टको सिलसिलामा अमेरिकाका बिभिन्न शहरहरूमा कार्यक्रम गर्ने क्रममा रहेको छ । सोमबार लसएन्जलस र अाउँदो शनिबार अहायोमा कार्यक्रमको तयारी भैरहेको छ । २८ तारिक शनिबार भने ड्यालसमा हुँदैछ ।
कन्दरा युएसए टुर अन्तरगत कन्सर्टका लागि व्याण्डको सबै टीम अमेरिका अइसकेका छन् ।
दुइ दशक अघिदेखि सबैको मुखमा झुण्डिएको हङकङ पोखरा, तगारोमा रूमाल राखि, लेककी हे मायाँ, ‘विदेशिएर गइन् उनी मलाई छोडेर, चञ्चले कान्छीको लगायत धेरै लोकप्रिय गीतहरू छन् ।
गायक विवेक लगायत सात जनाको टीमले जुलाइ २८ शनिबार ड्यालसको नेपाली सांगीतिक माहोल पुरै तताउने योजना बनाएको छ । कार्यक्रमको व्यबस्थापन गर्ने जिम्मा स्थानीय सफल युवाहरूले लिएका कारण कार्यक्रम भव्य हुनेमा टीमका सदस्यहरू विश्वस्त छन् ।
व्यबस्थापनको जिम्मा डिजे मम, दीवस थापा, विकास उप्रेती, चिन्तामणि बराल लगायतले लिएका छन् ।
प्रतिक्रिया