मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

स्वास्थ्य / विचित्र संसार   

डा केसीको समर्थनमा रेजिडेन्ट डाक्टर आन्दोलित, आकस्मिकबाहेक सबै सेवा ठप्प

डा केसीको समर्थनमा रेजिडेन्ट डाक्टर आन्दोलित, आकस्मिकबाहेक सबै सेवा ठप्प


काठमाडौं । चिकित्सा शिक्षा तथा सेवा सुधारका लागि १३ दिनदेखि जुम्लामा आमरण अनशन बसिरहेका डा। गोविन्द केसीको समर्थनमा आन्दोलन चर्किँदै गएको छ । 
 
डा केसीको समर्थनमा आन्दोलनमा उत्रिएका डाक्टरहरुले शुक्रबारदेखि देशैभरका अस्पतालमा आकस्मिकबाहेकका सेवा ठप्प पारेका छन् । 
 
नेशनल रेजिडेन्ट डक्टर्स एसोसिएसन (एनआरडीए) को आह्वानमा चिकित्सकहरु आन्दोलनमा उत्रिएका हुन् । अनशनरत डा केसीका माग सुनुवाइ गर्न सरकारले चासो नदिएको र जीवन रक्षाका लागिसमेत संवेदनशील नभएको भन्दै एनआरडीएले सेवा ठप्प पार्ने निर्णय गरेको हो ।
 
एनआरडीएका अध्यक्ष डा सुमित पाण्डेले अनसनरत डा केसीका मागप्रति सरकार संवेदनशील नभएकाले आफूहरु आकस्मिक बाहेकका सेवा ठप्प पारेर आन्दोलनमा उत्रनुपरेको बताए । उनले भने, “यस आन्दोलनबाट हुने क्षति र असुविधाप्रति एसोसिएसन नभएर सरकार जिम्मेवार हुनुपर्छ ।”
 
एसोसिएसनले शुक्रबार माइतीघर मण्डलामा विरोधस्वरुप ओपीडी सेवा सञ्चालन गर्ने भएको छ । डा केसीको समर्थनमा नागरिक समाज, नेपाल मानवअधिकारवादी संगठन, पेसागत संगठन, विद्यार्थी एवम् सर्वसाधारणले ऐक्यबद्धता जनाएका छन् ।