राजनीति / समाज

बलात्कारी अपाङ्ग धार्मिक आश्रमका सञ्चालकलाई १० वर्ष कैद

186 पटक पढिएको

10th Jul 2018, Tuesday | २०७५ आषाढ २६, मंगलवार ०९:२८
चितवन । चितवनको भरतपुर महानगर ३ बाह्रघरेस्थित श्री गणेश अपाङ्ग धार्मिक सेवा केन्द्रका सञ्चालकलाई चितवन जिल्ला अदालतले १० वर्ष कैद फैसला गरेको छ । 
 
केन्द्रमा आश्रित दुई महिलामाथि जबर्जस्ती करणी भएको आरोपमा मुद्दा चलेका केन्द्रका सञ्चालक बाग्लुङ नगरपालिका १३ घर भई हाल भरतपुर ३ बस्ने वर्ष ३९ का विष्णु शर्मालाई चितवन अदालतका न्यायाधीश राजेन्द्र अधिकारीको एकल इजलासले मंगलबार असार २६ गते १० वर्ष कैद र ५० हजार क्षतिपूर्तिको फैसला गरेको छ । 
 
आरोपित शर्माविरूद्ध जिल्ला प्रहरी कार्यालय चितवनमा वैशाख ७ गते पीडितहरुले जाहेरी दिएका थिए । घटना वैशाख १ गतेको भए पनि डर-त्रासका कारण वैशाख ७ गते जाहेरी परेको र ७ गते नै अभियुक्त पक्राउ परेका थिए । 
 
केन्द्रमा आश्रित दुई पीडितले घटनाबारे  छिमेकीलाई ढिला गरी भनेपछि घटना सार्वजनिक भएको हो ।