हिमालयखवर संवाददाता
सानफ्रान्सिको (अमेरिका) – पर्यटन मन्त्री रविन्द्र अधिकारीले अमेरिकामा नेपाली समुदायलाई सम्वोधन गर्दै नेपाली सधै नेपाली नै हुन्छ भुतपुर्व वा वर्तमान नहुने बताएका छन् ।
गैर आवासीय नेपाली संघ र एनआरएन अमेरिका द्धारा आयोजित विज्ञ भेला र एनआरएन अमेरिकाको सातौँ बार्षिक साधारण सभालाई शनिवार सम्बोधन गर्दै मन्त्री अधिकारीले उक्त अभिव्यक्ती दिएका हुन् ।
'हामी नेपाली जहाँ बसेपनि नेपाली नै हुँ' मन्त्री अधिकारीले भने-'देश बनाउने क्षमता त्यता मात्र पुग्दैन उताको सहयोग र सकृयता पनि चाहिन्छ अब तपाई यता (विदेश) र उता (नेपाल)वस्ने सवै नेपाली हातेमालो गरेर अगाडी वढ्ने हो ।'
वर्तमान सरकारकै एक जना मन्त्रीले केही समय अघि विदेशमा स्थायी रुपमा बस्ने नेपालीलाई भुतपुर्व नेपाली हुन् भनेका थिए । यो भनाई प्रति नेपाली डायोस्पोराले आक्रोस व्यक्त गर्दै मन्त्री अधिकारीलाई यसवारेमा प्रश्न उठाएका थिए । यही क्रममा मन्त्री अधिकारीले उक्त अभिव्यक्ति दिएका हुन् ।
सरकारले विदेशमा वस्ने नेपालीको दक्षता र दक्षतालाई राम्रो सँग वुझेको छ अधिकारीले भने हामी संविधानमा उल्लेखित एनआरएन नागरिकता दिने प्रावधान प्रति प्रतिवद्ध छौं यो आउने बर्ष भित्र कानुन तयार भएर आउंछ ।
उनले सरकार एनआरएनलाई साथ लिएर हिड्न तयार रहेको पनि स्पष्ट पारे ।
'राज्यको जिम्मेवार व्यक्तिवाट यस्तो अभिव्यक्ति नआएको भए हुन्थ्यो' एनआरएनएका पुर्व अध्यक्ष जीवा लामिछानेले भने-'तर, एक जना मन्त्रीवाटै यस्तो अभिव्यक्ति आयो भनेर चिन्ता पनि नगर्नु होला ।
गैर आवासीय नेपाली सम्वन्धि ऐनमा नेपालीले अंश नपाउने हुदैंन भन्ने हुदैंन' लामिछानेले भने-'अंशका वारेमा पनि मन्त्रीले कानुन विपरित बोल्नु भएको छ ।'
नेपाली जनसम्पर्क समितिका पुर्व संयोजक विष्णु सुवेदीले वर्तमान सरकारका मन्त्रीले विदेशमा वस्ने नेपालीलाई पुर्व नेपाली भनेकोमा आपत्ति जनाउँदै सरकारको धारणा राख्न भनेका थिए । सहभागीहरुले पनि यस विषयमा बोल्न मन्त्री अधिकारीलाई आग्रह गरेका थिए ।
नेपाली कांग्रेसका पुर्व पर्यटन राज्यमन्त्री रेवतीप्रसाद भुसालले भने नेपाली कुनै पद होइन जुन पुर्व हुन सकोस । एनआरएनका अध्यक्ष भवन भट्टले एक हात सबै साथको भावना अनुसार वढ्ने बेला भएको बताए ।
नेपाल समृद्धि तर्फ अघि वढिरहेको छ यसमा हामी विदेशमा बस्ने हामी पछि त परिएन भनेर सोच्नु पर्ने वेला आएको वताए ।
पुर्व मन्त्री डा प्रकाशचन्द्र लोहनीले एनआरएनलाई कुन प्रकृयावाट उपयोग गर्ने यो स्पष्ट गरेर जाँदा नेपाललाई फाइदा हुने बताए । पुर्व मन्त्री डा. लोहनीले देशको स्वतन्त्रता, नेपालमा भएका मानवअधिकारका हनन जस्ता विषयमा पनि आवाज उठाएर विदेशमा वस्ने नेपालीले दवाव दिन सक्ने वताए ।
प्रवासी नेपाली मञ्चका कृष्ण लामिछानेले संस्थाले व्यक्तिगत सम्वन्धका आधारमा होइन सबैलाई समेटेर लैजान सुझाव दिएका थिए ।
शनिवार दिनभर विभिन्न विषयका विज्ञहरुले कार्यपत्र प्रस्तुत गरेका थिए । यसमा झण्डै ३० जना विज्ञ सहभागी थिए । शिक्षा, स्वास्थ्य, पुर्वाधार विकास, सामाजीक क्षेत्र लगायतका विषयमा विदेशमा वस्ने नेपाली विज्ञहरुले कार्यपत्र प्रस्तुत गर्नु भएको थियो । नेपालले आर्जनको दक्षता कसरी नेपालीमा लैजान सकिन्छ यस विषयमा छलफलहरु भएका थिए ।
विज्ञ भेला शनिवार समाप्त हुँदैछ । आइतवार एनआरएन अमेरिकाको सातौं बािर्षक साधारण सभा हुने कार्यक्रम छ ।फोटो: बिमल नेपाल
प्रतिक्रिया