ड्यालस (अमेरिका) – नेपाली समाज टेक्ससले आउँदो जुन ९ तारिकमा विशेष स्वास्थ शिविर आयोजना गर्ने भएको छ ।
बिल्डिङ ब्रिज प्रोग्रामसँगको सहकार्यमा यो पटक जनस्वास्थसँग संबन्धित झण्डै एक दर्जन संस्थाहरुको सहयोगमा स्वास्थ शिविर आयोजना हुन लागेको नेपाली समाजले जनाएको छ ।
नेपाली समाजकी आयशा ओझाका अनुसार जुन ९ तारिक शनिबार बिहान ९ बजेदेखि १ बजे सम्म ५२१ वेस्ट पाइपलाइन रोड हस्र्टमा शिविर आयोजना हुनेछ ।
यस पटकको शिविरमा आँखाको जाँच, हेपाटाइटिस–बी र सीको जाँच, मेमोग्राम, दाँत, रक्तचाप लगायत जनचेतनामुलक स्वास्थ कार्यक्रम समेत राखिएको छ । निशुल्क स्वास्थ शिविरमा सहभागी भएर स्वास्थलाभ लिन नेपाली समाजले नेपाली समुदायसँग अपिल गरेको छ ।
प्रतिक्रिया