हिमालयखवर संवाददाता
टेक्सस (अमेरिका)- अमेरिकाको टेक्ससमा शनिवार र आइतबार आयोजना हुन लागेको युनाईटेड नेप्लिज एशोसिएशन (युएनए)को सम्मेलनको सम्पूर्ण तयारी पुरा भएको आयोजकले जनाएका छन् । विजनेस फोरमलाई फोकस गरी उक्त सम्मेलन हुन लागेको हो । यसबाहेक सम्मेलनमा विभिन्न फोरम हुने कार्यक्रम राखिएको छ ।
सम्मेलनमा सहभागी हुन एनआरएनए अध्यक्ष शेष घले र जमुना घले शुक्रवारनै साँझ टेक्सस आउने कार्यक्रम छ । उक्त सम्मेलनमा घलेले मुख्य वक्ताका रूपमा सम्बोधन गर्ने कार्यक्रम छ । चर्चित व्यवसायी घले अष्ट्रेलियाका १०० जना धनाढ्य भित्र पर्छन ।
सम्मेलनमा सहभागी हुन विभिन्न अमेरिकाका राज्यबाट नेपाली समुदायका व्यक्तिहरू पनि ड्यालस आउने युएनएका अध्यक्ष पासागं लामाले जानकारी दिए । शनिवार सम्मेलन शुरु हुने छ । शुरुमा विभिन्न खेलकुद कार्यक्रमहरू हुने छन् । शनिवार साँझ नै एक विशेष समारोह बिच सम्मेलन उद्घाटन हुने छ । उक्त उद्घाटन समारोहमा घले दम्पत्ती, एनआरएन अमेरिका क्षेत्रीय संयोजक लगायतले सम्बोधन गर्ने कार्यक्रम छ ।
सम्मेलनको दोस्रो दिन ध्यान लगायत इमिग्रेशन फोरम, लगानी फोरम लगायतका कार्यक्रम हुने छन् । आइतबार बिहानै देखि कार्यक्रम शुरु हुने छ । सम्मेलनमा मनोरञ्जनात्मक कार्यक्रम पनि हुने छ । उक्त कार्यक्रममा चर्चित गायिका अन्जु पन्त, गायक गम्बु शेर्पा लगायत स्थानीय ब्याण्डले प्रस्तुति दिने कार्यक्रम छ ।
उद्घाटन लगायत अन्य फोरमहरू सेराटन डीएफडब्लु होटल ड्यालस इर्विंगमा हुने छन् ।
प्रतिक्रिया