हिमालयखवर संवाददाता
अमेरिका-
अमेरिका टेनिसी स्थित चेन रेष्टुरेण्ट वाफेल हाउसमा गोली चलाएर चार जनाको हत्या गरि भागेका अभियुक्त ट्राभिस जे रेन्किग अन्तत सोमवार पक्राउ परेका छन् । गोलि चलाएर भागेका नग्न अवस्थाका उक्त हत्याराको खोजीका लागि करिव १६० जना प्रहरी लागि परेका थिए ।
सोमवार स्थानियले दिएको सुराकका आधारमा हत्यारा २९ बर्षिय रेन्किंग पक्राउ परेका हुन् । पक्राउ पर्दा ति अभियुक्तसंग बन्दुक र फ्ल्यासलाइट साथमा रहेको प्रहरीले जनाएको छ । उनको साथमा कोलोराडोको आईडीपनि फेला परेको छ । अभियुक्त पक्राउ परेकोमा मृत्युका आफन्तले राहत महसुस गरेका छन् ।
आइतवार टेनिसी राज्यको नैशभिल रेष्टुरेण्टमा ति बन्दुकधारीले गोलि चलाएका थिए । त्यहां रहेका ग्राहकले बन्दुकधारीलाई प्रत्याक्रमण गरेपछि ति हत्यारा राइफल छाडेर भागेका थिए । यसरी प्रत्याक्रमण नगरेको भए त्यहां अरु धेरैजनाको ज्यान जान सक्थ्यो ।
प्रहरीले ती अभियुक्तले एक साता अघि २०१८ को बीएमडब्लु कार चोरी गरी भागेको आशंका गरेको छ । उक्त चोरीको कार रेन्किगंको एपार्टमेण्टको पार्किंमा फेला परेको थियो । तस्बिर: सामाजिक संजाल
प्रतिक्रिया