अष्टिन टेक्सास- नेपाली नयां बर्ष २०७५ को अवसरमा टेक्सासको अष्टिनमा बृहत बनभोज कार्यक्रम भएको छ ।
ग्रेटर अष्टिन नेपाली सोसाइटी (ग्यान्स) को आयोजना सम्पन्न बनभोजमा अष्टिन तथा अष्टिन आसपासका सयौं नेपालीहरुको सहभागीता रहेको थियो ।
नयां बर्षको अवसरमा ग्यान्सले हरेक बर्ष गर्दै आएको बनभोज कार्यक्रम यस बर्ष पनि भव्य रुपमा सम्पन्न भएको अध्यक्ष देबराज न्यौपानेले बताउनुभयो ।
बनभोज संगै भलिबल, बास्केटबल तथा घैंटोफोड प्रतियोगीता समेत सम्पन्न भएको हो । भलिबल प्रतियोगतीमा लगातार दुई बर्ष उपाधी लिएको हिमाली टाइगर भलिबल टिम किलिनलाई हराउंदै यस बर्ष सिस्ने कमलताल भलिबल टिम अष्टिनले उपाधी चुमेको छ ।
हिमाली टाइगर भलिबल टिमले यसबर्ष उपबिजेतामा चित्त बुझायो । भलिबलमा ७ वटा टिमले प्रतिस्पर्धा गरेका थिए । नयां बर्षको शुभकामना साटासाट संगै एक आपसमा भेटघाट गराउन कार्यक्रमको आयोजना गरिएको हो ।
प्रतिक्रिया