ड्यालस (टेक्सस) – आउँदो अप्रिल २२ तारिकमा ड्यालसका नेपाली समुदायले स्वर सम्राट नारायण गोपाललाई स्मरण गर्ने भएका छन् ।
श्रष्टा साँझ र हिमालय खबर अनलाइनको संयुक्त आयोजनामा यो कार्यक्रम हुन लागेको हो । श्रष्टा साँझका प्रभात दीक्षितका अनुसार हरेक महिना साहित्यिक तथा सांगितिक कार्यक्रम गर्ने क्रममा यस पटक स्वर सम्राटलाई स्मरण गरिनेछ ।
‘यस पटक हामीले स्वर सम्राटसँग निकट रहेका, उहाँसँग मिलेर काम गरेकाहरुबाट उहाँका गीत गाउने र स्वर सम्राट माथि लेखिएका रचनाहरु पाठ गर्नेछौँ,’ दीक्षितले भने । अप्रिल २२ तारिक आइतबार साँझ ६ बजेदेखि युलेसको फिस्टेल रेस्टुँरामा कार्यक्रम हुनेछ ।
उक्त कार्यक्रमका लागि अमेरिकाका बिभिन्न शहरहरुमा रहेका नेपाली गायक, गीतकार, कविहरु समेत ड्यालस आउने भएका छन् । ‘त्यस दिन अरुभन्दा पनि नारायण गोपाललाई सम्झने मुख्य कार्यक्रम हो,’ दीक्षितले भने । कार्यक्रममा साहित्यकार विनोद दीक्षित, ज्ञानेन्द्र गदाल समेतको सहभागिता हुनेछ ।
कार्यक्रममा नेपालबाट समेत साहित्यकार, गीतकारहरुको समेत स्काइप मार्फत अनलाइनबाटै गीत गाउनेछन् ।
प्रतिक्रिया