इटहरीमा अमेरिकी चिकित्सक टोलीले तिनदिने निशुल्क स्वास्थ्य शिविर संञ्चालन गर्ने भएको छ । कैलाश मेडिकल फाउन्डेसन तथा लायन्स क्लब इन्टरनेश्नल 4C3 को संयुक्त आयोजनामा बैशाख २,३ र ४ गते इटहरी ८ स्थित सरस्वति मा.बिमा शिविर संञ्चालन हुने भएको हो ।

 

शिविरमा दाँत र शरिरका सम्पुर्ण रोगहरुको निशुल्क परामर्श सहित उपचार सेवा प्रदान गरिने छ । औषधीहरु समेत निशुल्क प्रदान गरिने छ । निशुल्क स्वास्थ्य शिविरका लागी अमेरिकाबाट ११ जनाको चिकित्सक टोली नेपाल आउने छ ।

 

शिविरको लायन्स क्लब इन्टरनेश्नल 4C3 को जोन चेयर लक्ष्मी चौधरीले संयोजन गर्नुहुने छ ।

 

लायन्स क्लब इन्टरनेश्नल 4C3 का गभर्नर राजेन थापाको बिशेष पहल तथा सकृयतामा अमेरिकाकाबाट यो टिम नेपाल आउदै गरेको इटहरीका समाजसेवी रामु पोखरेलले जानकारी दिए । 

बिदेशमा बसेर पनि नेपालको स्वास्थ्य क्षेत्रमा थापाले देखाएको चासो प्रशसनिय रहेको पोखरेलको भनाई छ ।

 

अमेरिकाबाट आउने टिममा लायन्स क्लब इन्टरनेश्नल रिजन चेयर गेम्स भारजिसी समेत रहने छन् र लसएन्जल्स हिमालयन लाएन्स क्लवको अध्यक्ष सुर्य प्रसाईको पनि  यो शिविरमा सहभागिता हुनेछ ।

 

इटहरीमा संञ्चालन हुने शिविरलाई टेकनारायण चौधरी स्मृति प्रतिस्ठान सहित इटहरीका बिभिन्न संघसंस्थाले सहकार्य गर्ने छन । यही मेडिकल टिमले पहिले सप्तरीमा चैत्र २८, २९ र ३० गते स्वास्थ्य शिविर संञ्चालन गर्ने कार्यक्रम रहेको छ ।