हिमालयवर संवाददाता
अमेरिका-
ह्वाइट हाउसले राष्ट्रपति डोनाल्ड ट्रम्प अमेरिका मेक्सिको सीमाबाट हुने मानव र लागु औषध तस्करी लगायत आपराधिक गतिविधि रोक्न सशस्त्र सुरक्षा बल सेना पठाउने योजनामा रहेको सार्वजनिक गरेको छ ।
बुधवार संवाददाताको उत्तर दिदैं राष्ट्रपति ट्रम्पले भने ,हामी हाम्रो अतिनै कमजोर सीमा सुरक्षाको अवस्था सुधार्न मेलिटरी (सेना)लाई तयारी गरिदैं छ । राष्ट्रपतिले केही दिन गैकानुनी रूपमा अमेरिका प्रवेश गर्ने आप्रावासीका बारेमा कडा टिप्पण्ी गर्दै आएका छन् ।
यदि मेक्सिकोसँग जोडिएको दक्षिण सीमामा सेना पठाउने हो भने अवैध रूपमा अमेरिका छिर्न थप कठिन हुने छ ।
अमेरिकाको कानुन निकै नाजुक भएको टिप्पणी गर्दै राष्ट्रपतिले सीमामा सेना उतार्ने तयारी भएको बताएका हुन् । द न्युयोर्क टाइक्सले नेश्नल गार्ड परिचालन हुन सक्ने समाचार दिएको छ ।
मेक्सिकोबाट अवैध रूपमा अमेरिका छिर्ने र यहाँ शरणमाग्ने कार्य रोक्न सीमामा थप कडाई गर्न लागिएको ह्वाइट हाउसले जनाएको छ । राष्ट्रपति ट्रम्पको एउटा मुख्य चुनावी एजेण्डा अमेरिका मेक्सिको सीमामा पर्खाल लगाउने भन्ने थियो । त्यहाँ पर्खाल तयार नहुदांसम्म सेनालाई पठाउने योजना रहेको बताइएको छ ।
हन्डुरस लगायत मध्ये अमेरिकी देशबाट मानव सागरको लस्कर (क्याराभ्यान) अमेरिका सीमा तर्फ आइरहेको फक्स न्यूजले फिचर देखाएपछि अहिले यो विषय बढी चर्चामा छ । मानव तस्करलाई मोटो रकम बुझाउँदै ज्यान र धनको दुवैको जोखिम मोल्दै बर्षेनी ठुला संख्यामा आप्रावासी गैरकानुनी रूपमा अमेरिका छिर्दै आएका छन् । अवसर खोज्दै अमेरिका भित्र पस्न चाहने कयौँ सीमामा पक्राउ पर्छन । केहीले ज्यानसमेत गुमाउने गरेका छन् ।
नेपालबाट समेत केही अवैध रूपमा मेक्सिकोबाट अमेरिका छिर्ने प्रयास गर्छन् । अमेरिका छिर्ने प्रयासमा मध्ये अमेरिकी देशमा नेपाली पक्राउ पर्ने गरेका छन् ।
राष्ट्रपति ट्रम्पले मेक्सिकोले अवैध रूपमा अमेरिका पस्न खोज्ने लस्करलाई अनुकूल हुने गरी काम गरेको आरोप पनि राष्ट्रपतिले लगाएका छन् । अमेरिकी राष्ट्रपतिको यस्तो टिप्पणी पछि मेक्सिकोले अमेरिकी सीमा तर्फ लम्किरहेका कयौँलाई पक्राउ गरेर फिर्ता पठाएको विभिन्न मिडियामा आएको छ । तस्बिर: सामाजिक संजाल
प्रतिक्रिया