हिमालयखवर संवाददाता
अमेरिका-
विश्व चर्चित पुस्तक द अल्केमिष्टका लेखक पाउलो कोइलोका नयां किताव पर्खेर वस्ने पाठकका लागि खुशीको खवर छ । उनको नयां पुस्तक हिप्पी यसै गर्मीयाम अर्थात समरमा सार्वजनिक हुने भएको छ । कोइलोका नेपाली पाठकका लागि भने झनै खुशीको खवर छ । यो हिप्पीको कथामा काठमाडौ पनि जोडिएको छ ।
आफ्नो फेसबुक पेज मार्फत कोइलोले उक्त जानकारी दिएका हुन् । उनले आफ्नो फेसबुकमा किताववारे जानकारी दिदैं लखेका छन् मेरो नयां किताव हिप्पी आउने गर्मीयाममा सार्वजनिक हुने भएको छ ।
मानिसहरुलाई त्यस वेलालाई अझै केही मान्छन वा मान्दैनन मलाई चासो छ तर, जव म बस (जसलाई जादुमय वस पनि भन्न सकिन्छ) चढेर हिप्पीका रुपमा सेप्टेम्बर १९७० मा काठमाडौ पुगेको थिएं यसैलाई भित्रै देखि पछ्याएको छु ।
युरोपको उन्मुक्त शहर एम्र्सडमवाट काठमाडौ सम्म कोइलोले वसमा यात्रा गरेकापनि जानकारी दिएका छन् ।
द अल्केमिष्ट विश्वमा नै वढी विक्री हुने कितावमध्येमा पर्छ । ब्राजिलियन लेखक पाउलोका कयौं किताव विभिन्न भाषामा अनुवादपनि भएका छन् । तिमी केही कुरा प्राप्त गर्न लागि पर्छौ भने भगवानले पनि पड्यन्त्र गरेर त्यही पुर्याउंछन भन्ने चर्चित वाक्य उनले द अल्कमिष्टमै लेखेका हुन् । एउटा भेडा गोठालोको यात्रा गर्ने रहरमा उक्त किताव केन्द्रित छ ।
कोइलो फेसबुकमा पनि सकृय छन् । उनले शनिवार विहान फेसबुकमा हालेको स्ट्याट्समा लेखेका छन् । रिल्याक्स, जीवन धेरै फरक फरक अध्याय हो । एउटा नराम्रो अध्याय आउंदैमा किताव नै सकियो भन्ने होइन ।
हिप्पीसंग नेपालको साइनो पनि जोडिएको छ । अमेरिका भियतनाम युद्धमा होमिएका वेला अमेरिकामा युवाहरु विच चरम निराशा आयो । यही निराशाले क्यालिफोर्निया जसलाई अहिले सिलिकन भ्याली भनिन्छ त्यही हिप्पीज्मको प्रार्दुभाव भयो । आफुले मन लागेको गर्ने, संसारमा के भईरहेको छ अरुले के भनेका छन् मतलब नगर्ने हिप्पीज्म हो ।
बेढंगका पहिरन, स्वछन्द जीवन र यात्रा हिप्पीज्मका प्रतिक मानिएका थिए । गांजा सेवनपनि यसमा जोडिएको छ । काठमाडौको झोसे गल्ली जहां गांजा, चरेस र ह्यासिस सजिलै किन्न पाइन्थ्यो त्यो सन् ७० को दशकमा हिप्पी भई पुग्ने युवाका लागि तिर्थ जस्तै थियो ।
नेपालमा त्यसवेला गांजा, चरेस विक्री वितरण र खान कुनै रोकतोक वा कानुन थिएन । झोसेमा सस्तोमा खान र वस्न पाइने भएकाले पनि नेपाल हिप्पीहरुका लागि सपनाको गल्ली भएको थियो । यसका कयौं कथाहरु छन् ।
कोइलो मन पराउने र नेपालसंग पनि साइनो जोडिएकाहरुका लागि भने हिप्पी अझै चाखलाग्दो हुन सक्छ ।
प्रतिक्रिया