हिमालयखवर संवाददाता
ड्यालस(टेक्सस)- नेपाली समाज टेक्सस (एनएसटी)ले मार्च ३ तारिख शनिवार बृहत होली कार्यक्रम आयोजना गर्ने भएको छ । विभिन्न मनोरञ्जन कार्यक्रम सहित होली मनाउन लागिएको एनएसटीका अध्यक्ष सुमन थापाले जानकारी दिए ।
ग्रेपभाइन लेकमा हुन लागेको उक्त होली कार्यक्रममा स्थानिय सांगीतिक समूहले त्यहां प्रक्षत्य म्यूजिक सहित प्रस्तुती दिने, लगायत डान्स कार्यक्रम राखिएको छ । निशुल्क प्रवेश सुविधा र सशुल्क खानाका स्टलपनि राखिने होली कार्यक्रम संयोजक राजीव राजभाटले वताए । होली कार्यक्रम बिहान ११ बजे देखि ७ बजेसम्म हुने राजीवले जानकारी दिए ।
एनएसटीले टेक्सस ड्यालसमा भएका नेपाली समुदायसंग सम्वद्ध करिव ३ दर्जन संघ संस्थालाई पनि उक्त कार्यक्रममा सहभागी हुन अनुरोध गरेको छ ।
हामीले यहां रहेका नेपाली समुदायका अन्य संघ संस्थालाई पनि उक्त होली कार्यक्रममा सहभागी हुन अनुरोध गरेका छौं थापाले भने धेरैवाट सकरात्मक जवाफ पाएका छौं ।
ड्यालसको लोकप्रिय डिजे मोमो इन्टरटेन्मेण्ट उक्त होली कार्यक्रमसंग आवद्ध रहेको एनएसटीले जनाएको छ ।
प्रतिक्रिया