हिमालयखबर संवाददाता
न्यूयोर्क (अमेरिका) – आफूलाई ‘नेपाली सन्नी लियोन’ दाबी गर्ने नेपाली मोडल अर्चना पनेरुले अमेरिकी नागरिकसँग विवाह गरेको जनाएकी छिन् ।
केही दिनअघि आफ्नो फेसबुक स्टाटसमा अमेरिकी नागरिकसँग बिहे गरेको उल्लेख गर्दै उनले फोटोहरु अपलोड गरेकी छिन् । सार्वजनिक रुपमै आफू ‘पोर्नस्टार’ बन्न लालायित रहेको उल्लेख गर्दै उत्तेजक पोजका फोटोहरु राख्दै आएकी अर्चना पश्चिम नेपालको महेन्द्रनगरकी हुन् ।
उनकी आमाले समेत छोरीलाई पोर्नस्टार बनाउन आफू हरतरहले लाग्ने अभिव्यक्ति दिँदै आएकी छिन् । स्कूल पढ्दै गरेकी उनको गतिविधि र फोटोहरु सार्वजनिक भएपछि उनलाई स्कूलले समेत निष्कासन गरेको थियो ।
उनले एउटा नेपाली फिल्मसमेत खेलेकी थिइन् । तर उक्त फिल्म ‘सुपर फ्लप’ हुन पुग्यो । उत्तेजक अभिव्यक्ति र फोटोका कारण चर्चामा आएकी अर्चना पछिल्लो समयमा मिडियाबाट गुमनामजस्तै भएकी छिन् ।
भारतीय शैलीमा बिहे गरेको तस्बिर अर्चनाले फेसबुकमा राखेकी छिन् । उनले बिहे गरेको भनिएका युवाको फेसबुक आईडीमा क्यालिफोर्नियाको सानफ्रान्सिस्को सहरनजिकै रहेको पालोआल्टो सहरको वासिन्दा भएको उल्लेख गरेका छन् । केही नेपालीहरु फेसबुकमा ती युवाको साथी भएको पनि देखिन्छ ।
अर्चनासँग बिहे गरेको ती युवाले नेपाल भ्रमण गरेको फोटोहरु पनि फेसबुकमा अपलोड गरेका छन् ।
अमेरिकी नागरिकसँग बिहेपश्चात अर्चनाको यात्रा पोर्न फिल्मतर्फ हुन्छ या रोकिन्छ त्यो भने निश्चित छैन । पोर्न फिल्ममा जबरजस्ती लगाइएको भनिएकी नेपाली बिन्दू परियार केही वर्षदेखि गुमनाम छिन् । उनले आफ्नो पूर्व पतिबाट ठूलो रकम क्षतिपूर्ति पाउने फैसला टेक्ससको अदालतले गरेको थियो । त्यसयता बिन्दू गुमनाम छिन् ।
प्रतिक्रिया