चितवन । पूर्वी चितवनको सौराहाचोकमा मेगा कृषि सहकारी संस्था लिमिटेडको कार्यालय सोमबार एक कार्यक्रमबीच समुद्घाटन भएको छ । उद्घाटनसँगै कारोबार सुरू भएको छ ।
सहकारी डिभिजन कार्यालय भरतपुरका निमित्त प्राचार्य इमनाथ कँडेलले कार्यालय उद्घाटन गर्दै मेगा सहकारीले रोजगार र स्वरोजगार सिर्जना गर्न समिति र शेयर सदस्यबीच हातेमालो हुनुपर्ने बताए ।
उनले आर्थिक, सामाजिक र सांस्कृतिक आवश्यकता पूरा गर्ने उद्देश्यले सहकारीको स्थापना भएकाले बचतलाई शेयरमा परिणत गरेर सफलता हासिल गर्न सुझाव दिए ।
संस्थाका लेखा समिति संयोजक रामचन्द्र चौधरीले ढेड वर्षको दौरानमा सबैको हातेमालोबाट पवित्र उद्देश्यका साथ संस्था स्थापना गरिएको बताउँदै कृषि, पर्यटन, दुग्धलगायतमा आयआर्जनका लागि शेयर सदस्यलाई सेवा पुग्ने विश्वास व्यक्त गरे ।
संस्थाका अध्यक्ष हरिनारायण चौधरीको अध्यक्षतामा भएको कार्यक्रममा उपाध्यक्ष सूर्य चौधरीले स्वागत मन्तव्य राखेका थिए । ५ करोड रुपैयाँ शेयर पुँजी रहेको सो सहकारीले ०७९÷८० सम्म चुक्ता पुँजीमा परिणत गर्ने उद्देश्य राखेको छ ।
प्रतिक्रिया