हिमालयखवर संवाददाता
अमेरिका- फ्लोरीडाको पार्कल्याण्डस्थित एउटा हाइ स्कुलमा भएको गोलीकाण्डमा १७ जनाको मृत्यु भएको छ ।
पार्कल्याण्डस्थित स्टोनमेन डगलस हाइ स्कुलमा, स्कुलकै एकजना पुर्व बिद्यार्थीले अन्धाधुन्ध गोली चलाएको र गोली लागी १७ जनाको मृत्यु भएको सुरक्षा अधिकारीहरुले जनाएका छन। गोली लागी अन्य कतीपय बिद्यार्थीहरु घाइते भएको बताइएको छ।
१२ जनाको स्कुल भित्रै, दुइजनाको स्कुल बाहीर, एकजनाको स्कुल नजिकैको रोडमा र दुइजनाको हस्पिटलमा मृत्यु भएको सुरक्षा अधिकारीहरुले जनाएका छन ।
१९ वर्षिय निकोलस क्रुजले अन्धाधुन्द गोली चलाएको र उसलाइ नियन्त्रणमा लिइएको सुरक्षा अधिकारीहरुलाइ उधृत गर्दै समाचार संस्थाहरुले जनाएका छन ।
बन्दुकधारी, क्रुजलाइ सोही स्कुलबाट अनुशासनहीनताका कारण, निकालीएको पनि सुरक्षा अधिकारीहरुले जनाएका छन । यसको बिस्तृत विवरण भने दिइएको छैन । तस्बिर: सामाजिक संजाल
प्रतिक्रिया