मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

कला   

सामाजिक सेवाका लागि विवाहमा गीत गाउँदै लोकगायक मिलन लामा

सामाजिक सेवाका लागि विवाहमा गीत गाउँदै लोकगायक मिलन लामा


चितवन । चितवनका चर्चित लोक तथा दोहोरी गायक मिलन लामा केही महिनाअघिदेखि सामाजिक अभियन्ताका रुपमा प्राकृतिक प्रकोपबाट पीडितको सहयोगमा जुटिरहेका छन् । 
 
देश विदेशका कार्यक्रममा व्यस्त गायक लामाको कार्यक्रमबाट विभिन्न आयोजकहरुले गरिब तथा प्राकृतिक प्रकोपबाट पीडितका लागि सहयोग जुटाइरहेका छन् । गायक लामा आफैंले राहत तथा विभिन्न सहयोग जुटाउने कार्यमा लागिपरेका छन् । 
 
विपन्न चेपाङ तथा भूकम्पपीडित र बाढीपीडितको राहत वितरणमा उनले सक्रिय भूमिका खेलेका थिए । ०७४ साउन २८ र २९ गते चितवनमा आएको बाढीका कारण घरबारबिहीन भएका समुदायका लागि घर बनाउने अभियानमा पनि उनले योगदान गरे ।
 
सामाजिक सञ्जालमा ‘मिलन होम’ नामक अभियानअन्तर्गत उनले बाढीबाट घरबारबिहीन भएका बछौलीका ५ परिवारलाई पुनःस्थापना गर्न सफल भए । 
 
अहिले उनी पुनः सामाजिक कार्य गर्न नौलो प्रयोगमा जुटेका छन् । सामाजिक सेवाका लागि विवाहमा गीत गाउने अभियान । यही अभियानअन्तर्गत उनी यही माघ २६ गते चितवनको शान्तिचोकमा अनमोल गिरी र सज्जनी लामिछानेको विवाहमा गीत गाउने भएका छन् । 
 
उनी भन्छन् “समाजसेवाको लागि बिहेमा गीत गाउँदै छु । अबको नौलो अभियान हो मेरो । सधैँ अरुसँग मागेरमात्रै समाजसेवा हुँदैन रहेछ । त्यसैले माघ २६ गते शान्तिचोकमा विवाह पार्टीमा खुब रमाइलो गराउने तयारीमा जुटेको छु ।”