चितवन । गैँडाको आक्रमणबाट चितवनको माडीमा एक युवाको मृत्यु भएको छ ।
माडी नगरपालिका वडा नं २ बस्ने २८ वर्षीय प्रेमराज ढुंगेलको मृत्यु भएको हो । आइतबार साँझ गाईवस्तु चराउन जंगल जाँदा गैँडाको आक्रमणवाट उनको मृत्यु भएको इलाका प्रहरी कार्यालय माडीका प्रमुख घर्जेन्द्रबहादुर कार्कीले जानकारी दिए ।
ढुंगेलको शरीरको पछाडि भागमा गैँडाले हानेको र बाँया खुट्टा भाँचिएको अवस्थामा शव फेला परेको प्रहरीले जनाएको छ । उनको शव पोष्टपार्टमका लागि भरतपुर अस्पतालमा राखिएको प्रहरीले जनाएको छ ।
प्रतिक्रिया