हिमालयखवर संवाददाता
अमेरिका-
जहाज ३५ हजार फिटमा उडिरहेको थियो, गर्भवती महिला यात्रुलाई सुत्केरी व्याथा लाग्यो । जहाज कर्मचारीले जहाजमा कोही डाक्टर भएमा सम्पर्क गर्न आग्रह गरे । संयोगवश जहाजमा दुई जना डाक्टर यात्रा गरिरहेका रहेछन् । ती डाक्टरकै सहयोगमा उडिरहेको जहाजमा एक स्वस्थ बालक जन्मियो ।
सुत्केरी व्यथा लागेकी महिलालाई बच्चा जन्माउन एक २७ बर्षिय डाक्टर र बालबालिका सम्बन्धी चिकित्सकले सहयोग गरेका थिए । उनीहरूकै सहयोगले ३५ हजार फिटमा स्वास्थ्य बालक जन्मिएका हुन् ।
एयर फ्रान्सको जहाज न्यूयोर्कको जेएफके विमानस्थल तर्फ आइरहेको थियो । ती गभर्वती महिलालाई उक्त जहाज कम मानव वस्ती भएको ग्रिनल्याण्ड माथि अकाशमा सुत्केरी व्यस्थाले छोयो ।
ग्रिनल्याण्डमा सैनिक विमानस्थलमा जहाजले आपत्कालीन अवतरण गर्न सक्ने सम्भावना थियो । तर, उक्त विमानस्थलमा पुग्न पनि दुई घण्टा समय लाग्ने भएपछि जहाजले आपत्कालीन अवतरण नगरी न्युयोर्क नै अवतरण गर्ने निर्णय पाइलटले लिए । किनकि न्यूयोर्कपनि लगभग त्यही समयमा पुगिन्थ्यो ।
तर, एयरपोर्टमा जहाज अवतरण गर्नु अघिनै गर्भवती ओग्नुदिपीको पेटबाट सानो सुन्दर बालक बाहिर आए ।
डाक्टर सिज हमल युरोलोजी विशेषज्ञ हुन् । तर, डाक्टरी पढाइको क्रममा उनलाई बच्चा जन्माउन पनि सकाइएको थियो । उनले पढ्दा ७ वटा डेलिभरी केशमा सहयोग पुर्याएका थिए । यही अनुभव उनले जहाजमा उपयोग गरे । डा सिज र अर्का चिकित्सकले जहाजमा उपलब्ध औषधी र मेडिकल उपकरण जम्मा गरे ।
सुत्केरी हुन लागेकी महिलाको ब्लड प्रेसर, अक्सिजन रेट, र नाडीको धड्कन नापे । एक घण्टाको व्यथापछि ओग्नुदिपीले बच्चा जन्माइने । जहाज अवतरण हुनभन्दा जम्मा दुई मिनेट अघि बच्चा जेक जन्मिए ।
जहाज अवतरण पछि आमा र बच्चालाई त्यहाँको जमाइका हस्पिटल मेडिकल सेन्टरमा लगियो । बच्चा जन्माउन सहयोग गर्ने डाक्टरले भने आफ्नो यात्रालाई निरन्तरता दिए । तर, खाली हात भने जानु परेन ।
डाक्टरले एयरलाइन्सका तर्फबाट अर्को पटकको यात्राका लागि भौचर र स्याम्पियनको बोटलपनि पाए । जहाजमा स्याम्पियनको मज्जा लिन नपाएका डाक्टरलाई यो सोधभर्ना पनि भयो । फोटो: सामाजिक संजाल
प्रतिक्रिया