हिमालयखवर संवाददाता
अमेरिका- राष्ट्रपति डोनाल्ड ट्रम्पले आप्रावासी नीतिमा पुन अनुदार रवैया देखाउँदै केही सांसदले हाइटी, एलसाल्भाडोर र अफ्रिकी देशका अमेरिकामा बसोबास गर्दै आएको नागरिकलाई यहाँ बस्ने सुविधा दिन गरेको आग्रहको प्रतिकृयामा भद्दा शब्द प्रयोग गरेका छन् ।
द वासिंटन पोष्टको समाचार अनुसार इमिग्रेसन सम्बन्धी नीतिमा सर्वदलीय सहमति जुटाउन भइरहेको छलफलका क्रममा केही सांसदले राष्ट्रपति कार्यालय ओभेल अफिसमा ट्रम्पलाई ती देशका नागरिकलाई अमेरिका बस्ने छुट दिन प्रस्ताव गरेका थिए ।
हामीलाई त्यस्ता यहाँ आएका आची आउने प्वाल (सिटहोल) जस्ता देशका नागरिकलाई अमेरिका किन बस्न दिनु पर्यो भन्ने वाक्य राष्ट्रपति ट्रम्पले बोलेको पोष्टले वार्तामा सहभागीलाई उदृत गर्दै समाचार दिएको छ । यस्ता देशका सट्टामा अमेरिकाले नर्वे जस्ता देशका नागरिकलाई आउन दिनुपर्ने सुझाव ट्रम्पले दिएका थिए । नर्वेका प्रधानमन्त्रीलाई ट्रम्पले बुधवार वासिंटनमा भेटेका थिए ।
सिनेटर लेण्डसीई ओ ग्राहम र रिचार्ड ज डरविनाले इमिग्रेशन नीतिमा डीभी लटरीवाट अमेरिका आउनको संख्यामा आधा कटौती गरेर टीपीएस पाएका हाईटी , सल्भाडोर जस्ता देशका नागरिकलाई प्राथमिकता दिन प्रस्ताव गरेका थिए । यही क्रममा राष्ट्रपति ट्रम्पले भद्दा शब्द प्रयोग गरेका हुन् पोष्टले समाचारमा जनाएको छ ।
तर, ह्वाइट हाउसका अधिकारीले भने ट्रम्पको भनाइको प्रतिवाद गरेका छन् । केही वासिंटनका राजनीतिज्ञ विदेशी देशको पक्षमा लागेर लडाई लड्दैछन तर, राष्ट्रपति ट्रम्प सधैँ अमेरिकी जनताको पक्षमा लडिरहनेछन् ह्वाइटहाउसका प्रवक्ता राज शाहले वासिंटन पोष्टको समाचार पछि जारी विज्ञप्तिमा भनेका छन् ।
अन्य देशमा गुणस्तरी आप्रवासी लिने गरेका छन् राष्ट्रपति ट्रम्पपनि यो समस्याको स्थायी समाधानका लडिरहेका छन् शाहको विज्ञप्तिमा उल्लेख छ । ती सांसदले टीपीएस कार्यक्रममा रहेकालाई यहाँ बस्न दिन, अमेरिका मेक्सिको सीमामा पर्खाल लगाउन १ अर्ब ५० करोड डलर खर्च र भिसा लटरी प्रणाली (डीभी)मा परिवर्तन गर्न सुझाव दिएका थिए ।
अमेरिका प्रशासनले यसै साता एलसाल्भाडोरका नागरिकले पाएको टीपीएस सुविधा रद्द गरेको थियो । हाईटीका अमेरिका बस्ने नागरिकलाई दिइएको टीपीएस पनि रद्द भएको छ ।
डीभी लटरी मार्फत ५५ हजारलाई अमेरिकारले भिसा दिदंैं आएको छ । यो कार्यक्रमबाट हज्जारौं अफ्रिकी नागरिक अमेरिका आएका छन् । यो कार्यक्रमबाट अमेरिका आउने नेपालीको संख्या पनि उल्लेख्य छ । यो करिब २ दशक अधि सुरु भएको कार्यक्रम हो । ट्रम्पले यो कार्यक्रम बन्द गर्ने यस अघि सार्वजनिक गरेका थिए ।
प्रतिक्रिया