हिमालयखवर संवाददाता
टेक्सस- गैर आवासीय नेपाल संघ राष्ट्रिय समन्वय परिषद् अमेरिका (एनआरएन अमेरिका) का अधिकांश पदाधिकारी र कार्यसमिति सदस्यले संस्थाका गतिविधिले नेपाली समुदायलाई आकर्षित गर्न नसकेको हुदां बाटो परिवर्तन गरेर जान अध्यक्षलाई दबाब दिएका छन् । अध्यक्ष डा केशव पौडेलको नेतृत्व क्षमता माथिपनि पदाधिकारीले प्रश्न उठाई अव फरक र नयाँ ढंगवाटजान सुझाव दिए ।
टेक्ससको ह्यूस्टनमा भएको एनआरएन अमेरिकाको कार्यसमितिमा बैठकमा एनआरएन नेतृत्वको चर्को आलोचना भएको हो । नेपाली समुदायलाई बृहत् फाइदा हुने नीतिगत विषयहरू समातेर हिड्नुपर्ने सुझाव बैठकका अधिकांशले दिए । एनआरएन अमेरिकाले सांस्कृत्तिक कार्यक्रम गर्ने प्रस्ताव आए पछि बैठकका सहभागीले उक्त सुझाव दिएका हुन् । सास्कृत्तिक कार्यक्रम गर्ने जस्तो स्थानीय संघ संस्थाले गर्दै आएको कार्यक्रमलाई बैठकको विषय बनाउनै नहुने बैठकमा सहभागीले बताएका थिए ।
यस्तै अवस्थामा एनआरएन अमेरिका अगाडी बढ्ने हो भने कार्यसमितिमा वस्नुको अर्थनरहने हुदां राजीनामा समेत दिन तयार रहेको भन्दै बैठकका सहभागीले आक्रोस समेत व्यक्त गरेका थिए ।
टीपीएस, दोहोरो कर उन्मुक्ति, नेपाली नागरिकताको निरन्तरता, समुदायले चाहना अनुसार अव एनआरएन अमेरिकाले काम नगर्ने हो भने संस्था प्रतिनै बितृष्ण बढ्ने आशय बैठकका सहभागीले राखेका थिए । केहीले बोल्न समय दिइएन भनेर आक्रोसित भएका थिए ।
टीपीएस नविकरणका बारेमा एनआरएन अमेरिकाले हालै केही अमेरिकी अधिकारीहरुसंग छलफल गरेको विषयमा पनि बैठकमा विवादको विषय बन्यो । एनआरएन अमेरिका कार्यसमिति र टीपीएसका बारेमा गठन उपसमितिलाई समेत थाहा नदिईएकामा आलोचना भएको थियो । अव यस्तो गल्ती नगर्ने भनेपछि यो विषय सकिएको थियो ।
काठमाडौँमा भएको भनिएको एक कार्यक्रममा भएको खर्चको भुक्तानी दिन बैठकमा प्रस्ताव आएपछि यो पनि विवादको विषय बन्यो । कुनै बिल र खर्च विवरण बिना खर्चको भुक्तानी मागिएको हुदां विवाद भएको हो ।
बैठकमा कार्यपत्र प्रस्तुत भए पनि कुनै निर्णय भने भएन । उक्त कार्यपत्रलाई सुधार्न बैठकले सुझाव दियो ।
प्रतिक्रिया