हिमालयखवर संवाददाता
अमेरिका- अमेरिकी राष्ट्रपति डोनाल्ड ट्रम्प र विवाद सधैँ एकै साथ रहदैं आएका छन् । उनी ह्वाइट हाउसमा प्रवेश गरेको एक वर्ष हुन लाग्यो तर, विवादले कहिल्लै छाडेका छैन । राष्ट्रपति कार्यभार सम्हालेको एकबर्ष पुग्दै गर्दा शुक्रवार बजारमा आएको उनका बारेमा लेखिएको किताबले पुन अमेरिकाको राजनीतिमा चर्को बहसको विषय बनेको छ ।
पत्रकार माइकल वोफ द्धारा लिखित फायर ऐण्ड फ्यूरी इनसाइड ट्रम्प वाइट हाउस नाम उक्त पुस्तक सार्वजनिक हुनु अघिनै चर्चामा आएको हो । राष्ट्रपति ट्रम्पका निकटहरू सँग रेकर्ड अन्तवार्ताका आधारमा वोफले उक्त किताब तयार पारका हुन् ।
सञ्चार माध्यम मार्फत सार्वजनिक भएका पुस्तक अंशका आधारमा उक्त किताबले राष्ट्रपति ट्रम्प उक्त पदका लागि योग्य नभएका विवरणहरू उल्लेख भएका छन् ।
किताबमा ट्रम्पकी छोरी इभान्काको पहिलो महिला राष्ट्रपति हुने महत्वकाक्षां, ट्रम्पको असन्तुलित व्यवहार देखाउने विवरणहरू उल्लेख भएका छन् । उक्त किताबमा ट्रम्पले साउदी अरबको राजनीतिमा समेत हस्तक्षेप गरी मोहम्मद बिन सलमानलाई त्यहाँ राजकुमार बनाएको उल्लेख छ ।
किताब लेखक वोफले ह्वाइट हाउसका पूर्व मुख्य रणनीतिकार स्टीफ बेननलाई उद्दृत गर्दै लेखेका अंशहरू सबैभन्दा विवादस्पद भएका छन् । बेननले राष्ट्रपति ट्रम्पका ज्वाई र रसियाका अधिकारीहरू बिचको भेटलाई उल्लेख गर्दै यसलाई देशद्रोह भनेका छन् । किताब आउनु अघिनै राष्ट्रपति ट्रम्पले राष्ट्रपति चुनावमा सघाएका वेननको तिखो आलोचना गर्दै यसले दिमागी सन्तुलन समेत गुमाएको अभिव्यक्ति दिएका छन् ।
ह्वाइट हाउस उक्त पुस्तकको विक्री वितरण रोक्न प्रयासरत थियो । किताबका प्रकाशकलाई सार्वजनिक नगर्न समेत राष्ट्रपतिका कानुनी सल्लाहकारले पत्राचार गरेका थिए । अमेरिकी संचारमाध्यममा अनुसार राष्ट्रपतिका कानुनी सल्लाहकार चाल्र्स जे हार्डरले यो किताबको सार्वजनिकरण, बजारमा वितरण र थप मुद्रण गर्न ट्रम्पले माग गरेको उल्लेख छ । राष्ट्रपति ट्रम्पले उक्त किताबलाई झुठको पुलिंदा भएको बताएका छन् । तर, यही विवादका बिच तोकिएको समय भन्दा ४ दिन अघि शुक्रवारनै किताबको विक्री वितरण गरिएको छ ।
शुक्रवार बिहान टेलिभिजनमा देखिएको किताबका लेखक वोफले आफ्नो कामले सित्तैमा ठुलो प्रचार पाएकोमा राष्ट्रपतिलाई धन्यवाद दिए । यसबापत म चलकेटका वक्स पठाउन चाहन्छु कहाँ पठाईदिउं, उनले पहिलो टेलिभिजन अन्तर्वातामा भने । किताबमा आएका विवरण सत्य भएका र राष्ट्रपतिसँग काम गरेकाको विवरण रेकर्डमा रहेको वोफले दाबी गरेका छन् । फोटो: सामाजिक संजाल
प्रतिक्रिया