ड्यालस (अमेरिका) – टेक्ससका रहेका नेपाली व्यबसायीहरुको संस्था यति चेम्बर अफ कमर्सको साधारण सभाले संस्थाको नाम परिवर्तन गरेर नेप्लिज अमेरिकन चेम्बर अफ कमर्स राखेको छ ।
आइतबार स्थानीय अर्बिङ सिटीमा भएको संस्थाको तेस्रो साधारण सभाले संस्थाको साविकको नाम परिवर्तन गर्दै नेपाली पहिचान दिने उद्वेश्यले नेप्लिज अमेरिकन चेम्बर अफ कमर्समा परिवर्तन गरेको हो । साधारण सभाले संस्थाको नेतृत्व समेत परिवर्तन गरेको छ ।
संस्थाको नव निर्वाचित अध्यक्षमा मनोज सिग्देल रहेका छन् । त्यस्तै उपाध्यक्षमा सरोज पौड्याल, महासचिवमा बाल जोशी, कोषाध्यक्षमा स्मृति कार्की चयन भएका छन् ।
कार्य समितिका सदस्यहरुमा बिनिता लामिछाने, कपिल अधिकारी, केदार तिमिल्सिना, प्रदीप गिरी, बिनोद तिवारी, प्रेम शाही निर्विरोध चयन भएका छन् । त्यस्तै अन्य सदस्यहरुमा रबि प्रधान, सुमिरन सापकोटा, जेम श्रेष्ठ र सरोज सिग्देल समेत चयन भएको घोषणा निर्वाचन समितिका प्रमुख विनय अर्यालले घोषणा गरेका थिए ।
संस्थाका अध्यक्ष बासु भण्डारीको सभापतित्वमा भएको उद्घाटन कार्यक्रममा स्थानीय नेपाली संघसंस्थाका प्रमुखहरुले शूभकामना व्यक्त गरेका थिए । स्थानीय नेपाली व्यबसायीहरुको हितका यो संस्था स्थापना भएको जानकारी दिइएको थियो ।
प्रतिक्रिया