हिमालयखवर संवाददाता
२३ मंसिर, काठमाडौं- सम्भावित प्रधानमन्त्रीका रूपमा हेरिएका केपी शर्मा ओलीको गृहजिल्ला झापाका पाँच स्थान मध्ये ४ वटैमा वामपन्थी गठबन्धनले अग्रता लिइरहेको छ । ओलीले आफ्नो प्रतिस्पर्धीलाई निकै ठुलो मतअन्तरले पछाडि पारेका छन् ।
मतगणनाको पछिल्लो नतिजा अनुसार ओलीले १४ हजार ६८५ मत प्राप्त गरेका छन् । उनका प्रतिद्धन्दी काँग्रेसका डा खगेन्द्र अधिकारीले जम्मा ६ हजार ३९१ मत पाएका छन् ।
झापामा काँग्रेसका चर्चित युवा नेता विश्वप्रकाश शर्मा, काँग्रेस वरिष्ठ नेता कृष्णप्रसाद सिटौला पछाडि परेका छन् । तर, शर्मा पछि परेपनि मतअन्तर भने कम छ । प्राप्त पछिल्लो विवरण अनुसार झापा १ मा राम कार्कीको १२ हजार ७८६ मत छ । शर्माले ११ हजार ९०९ मत प्राप्त गरेका छन् ।
प्रतिक्रिया