हिमालयखवर संवाददाता
अमेरिका- अनुमति नभई कागजात विना अमेरिका बस्दै आएका तर, कुनै अपराध नगरेका आप्रावासी माथि धरपकड गरी पक्राउ गर्ने क्रम यो अािर्थक वर्ष अत्याधिक वृद्धि भएको छ । राष्ट्रपति डोनाल्ड ट्रम्पले ह्वाइट हाउसको जिम्मेवारी सम्हालेपछि यसरी पक्राउ पर्ने कागजात नभएका आप्रावासीको संख्यामा ४२ प्रतिशतले वृद्धि भएको डिपार्टमेण्ट अफ होमल्याण्ड सेक्यूरिटी (डीएचएस)द्धारा मंगलवार सार्वजनिक तथ्यांकमा उल्लेख छ ।
तर, मेक्सिको तथा अन्य ठाउंवावाट विना प्रवेशाज्ञा अमेरिका छिर्न खोज्दा सिमा क्षेत्रमा पक्राउ पर्नेको संख्यामा भने ट्रम्पले सत्ता सम्हालेपछि निकै कमी आएको छ ।
राष्ट्रपति ट्रम्पले एक बर्ष अघि चुनाव प्रचारकै क्रममा कागजात विहिन आप्रावासीलाई कडाई गर्ने विषयलाई मुख्य मुद्दा वनाएका थिए । पहिलो चरणमा अपराध गरेको रेकर्ड भएकालाई कामगजात विहिनलाई खोजी खोजी पक्राउ गर्ने भनिएको थियो ।
अमेरिकामा पहिलो पटक विना प्रवेशाज्ञा छिर्नुलाई जधन्य अपराध (फौजदारी अपराध) मानिदैन । यसलाई सिभिल अपराध मानिन्छ । तर, अहिले पक्राउ पर्नेमा जधन्य अपराधको रकेर्ड नभए कागजात विहिन आप्रावासी धेरै छन् । डीएचएसका कार्यवाहक निर्देशक थोमस होम्यानले कागजात विहिन पक्राउ पर्ने संख्यामा वृद्धि भएकोमा आफ्ना कर्मचारीको प्रशंसा गरे । यसले राष्ट्रपतिको आदेश अनुसार काम भईरहेको देखाउंछ उनले भने ।
सन् २०१७ आर्थिक बर्षमा १ लाख १० हजार ५६८ कामजात विहिनहरु पक्राउ परेको डीएचएसले जनाएको छ । अघिल्लो वर्षको यसै अवधिमा जम्मा ७७ हजार ८०६ जना यसरी पक्राउ परेका थिए । अधिल्लो वर्षको तथ्यांक अक्टोबर देखि जनवरी सुरु सम्मको हो जुन वेला ट्रम्पले कार्यभार सम्हालिसकेका थिएनन् । अहिलेको गतिमा कागजात विहिन आप्रावासी पक्राउ पर्दै गए यो संख्या आउने दिनमा अघिल्लो वर्षको अझ बढी हुने छ ।
कागजात विहिनलाई पक्राउ प्रति आप्रावासी अधिकारसंग सम्बन्धित समूहले भने ट्रम्प प्रशासनको विरोध गरेको छ ।ट्रम्प सत्तामा आएपछि अमेरिकामा गैर कानुनी रूपमा सिमा क्षेत्रबाट प्रवेश गर्न खोज्दा पक्राउ पर्नेको संख्या भने इतिहासै न्यून विन्दुमा झरेको छ ।
भन्सार तथा सिमा सुरक्षावलले आर्थिक बर्ष २०१७ मा ३ लाख १० हजार ५३१ लाई पक्राउ गरेको छ । यो अघिल्लो वर्षको यसै अवधिको तुलनामा २४ प्रतिशतले झरेको हो । यो संख्या सन् १९७१ यताकै सबैभन्दा कम हो ।
शरणार्थीका रूपमा अमेरिकामा प्रवेश पाउनेको संख्यामा पनि ट्रम्प आएयता निकै कम भएको छ । अक्टोबर र नोभेम्बर महिनामा जम्मा ३ हजार १०८ ले अमेरिकामा शरणार्थीका रूपमा प्रवेश पाए । यस अघिको अािर्थक बर्षमा यो संख्या १८ हजार ३ सय थियो ।
राष्ट्रपति ट्रम्पले अमेरिकाले स्विकार्ने शरणार्थीको संख्या साविकको १ लाख १० हजारवाट ४५ हजारमा सीमित गर्ने घोषणा गरेका थिए ।
प्रतिक्रिया