हिमालयखवर संवाददाता
अमेरिकाका नागरिक प्रति नेपालले लिदैं आएको भिसा नीतिमा परिवर्तन गरी एकरुपता कायम गर्न काठमाडौ स्थित अमेरिकी दुतावासले नेपाल सरकारसंग अनुरोध गरेको छ । नेपालवाट प्रकाशित हुने अन्नपुर्ण दैनिक पत्रिकाका अनुसार नेपाल जाने अमेरिकी नागरिकलाई भिसामा लाग्ने शुल्क र वसाई अवधिमा सुधार गरी अमेरिकाले नेपाली नागरिकलाई दिए सरहको सुविधा दिन अमेरिकाले आग्रह गरेको हो ।
अमेरिकाले आग्रहलाई नेपालले स्विकार गरे नेपाल जाने अमेरिकी पर्यटक लगायत अमेरिकाको नागरिकता लिएका नेपालीलाई समेत फाइदा हुने छ ।
अमेरिकाले प्राय नेपाली भिसा आवेदकलाई एक सय १६० अमेरिकी डलर शुल्क लिएर पांच बर्षको मल्टिपल भिसा जारी गर्दै आएको छ । भिसा लिएर अमेरिका आउनेले यहां प्रत्येक पटक आउंदा १ सय ८० दिन वस्न पाउंछन् । पांच बर्षसम्म यसरी ओहोर दोहोर गर्न सक्छन् ।
तर, नेपालले भने अमेरिकी नागरिकलाई यस भन्दा बढी शुल्क लिएर कम अवधिको भिसा जारी गर्दै आएको छ ।
यसवाट अमेरिकामा नागरिकता लिएर वस्ने नेपाली मर्कामा पर्दै आएका छन् । विदेशमा वस्ने नेपालीले एनआरएन कार्ड लिन सक्ने भएपनि यसको प्रकृया भने झन्झटिलो छ । यो कार्डका लागि पनि शुरुमा पांच सय डलर भन्दा वढी शुल्क वुझाउनु पर्छ ।
अहिले अमेरिकाको नागरिकता लिने नेपालीको संख्या वढीरहेको छ । यसरी अमेरिकी पासपोर्टमा नेपाल आउ जाउ गर्ने नेपालीको संख्या उल्लेख्य छ । सन् २०१६ मा मात्र करिव ५ हजार नेपालीले अमेरिकाको नागरिकता लिएका थिए । विगत १० बर्षमा अमेरिकाको नागरिकता लिने नेपालीको संख्या करिव २५ हजार छ । नेपाली आमावावुवाट अमेरिकामा जन्मिएका सन्तानको संख्या पनि जोड्ने हो भने यो संख्या निकै वढ्छ ।
दुतावासको प्रस्ताव प्रति नेपाल सरकार सकरात्मक रहेको उक्त दैनिकले जनाएको छ । तर, नेपालले पनि शुल्क र वसाई अवधिमा एक रुपता ल्याउन शर्त भने राख्ने तयारी गरेको समाचारमा उल्लेख छ । नेपाल सरकारले भिसा पाएपछि मात्र नेपाली संग शुल्क लिन आग्रह गर्ने तयारी गरेको समाचारमा उल्लेख छ । नेपालले अमेरिकी नागरिकलाई सजिलै भिसा जारी गर्छ । तर, अमेरिकाको भिसा पाउन भने नेपालीलाई सजिलो छैन । धेरैको अस्विकृत हुने गरेको छ । अस्विकृत भएपनि भिसाका लागि तिरेको १६० डलर भने नेपालीले फिर्ता पाउंदैनन् ।
प्रतिक्रिया