हिमालयखवर संवाददाता
काठमाडौँ – हाँस्य कलाकार राजाराम पौडेल सात वर्ष अमेरिका बसेर नेपाल फर्केका हुन् । मेरिल्याण्ड राज्यमा सात वर्ष काम गरेर उनी सन् २०११ मा नेपाल फर्केका हुन् ।
अमेरिका आउनु अघि पनि ठूलो तथा सानो पर्दामा स्थापित भैसकेका थिए पौडेल । नेपाल फर्केपछि पनि उनको कलाकारिताको व्यस्तता त्यत्तिकै छ ।
अमेरिका बस्दा दैनिक १२ घण्टासम्म काम गरेको उनले बताएका छन् । ठूलोपर्दा टिभीसँग कुरा गर्दै उनले आपूm सात वर्ष अमेरिका बस्दाका घटनालाई ठट्यौला पारामा प्रस्तुत गरेका छन् ।
‘एकजना व्यक्ति काम खोज्दै म काम गर्ने स्टोरमा आइपुगे । उनले काम खोज्न सहयोग मागे । मैले ग्रीनकार्ड भएपछि त ग्याँस स्टेसन, स्टोरहरुमा काम पाइहालिन्छ नि भनेर बताए । तर उनले ग्रीनकार्ड भएकाले पनि यस्तो कहाँ गर्नु पो भने,’ पौडेलले अन्तरवार्ताको क्रमममा भनेका छन् ।
पौडेलले ती व्यक्तिलाई जागिरका लागि ह्वाइट हाउसमा हरेक दिन लाइन लाग्ने र बिहानै जान सुझाव दिए ।
उनले अमेरिकामा काम गरेर कोही सानो नहुने हुँदा अमेरिका विकसित भएको बताए । उनले सुझाव दिएका छन्,‘अमेरिका जाँदैहुनुहुन्छ भने तपाइले यहाँको स्टाटस बिर्सनुस् । तपाइको स्टाटस त्यहाँ जिरोबाट सुरु हुन्छ ।’
अमेरिका भनेको यस्तो देश हो जहाँ माग्ने छन् । अमेरिकन माग्ने पनि छन् । संसारकै मान्छ ओइरिएका छन् । त्यही जन्मेका पनि माग्ने छन् । परिश्रम गर्नकै लागि अमेरिका खडा भएको हो जस्तो लाग्ने पौडेलले भनेका छन् ।
सुरुमा दिन केही गाह्रो हुन्छ । तर मेहनत गर्ने हो भने पछि सहज हुँदै जान्छ । उनले आफुले अमेरिकाबाट डायबिटिज रोग बोकेर आएको बताउँदै त्यसलाई अमेरिकाको उपहारका रुपमा लिएको बताए ।
सानो छोरा माओवादीमा जान्छु भनेपछि उसैका लागि सेटल गर्न अमेरिका आएका पौडेलले सात वर्षसम्म पनि ग्रीनकार्ड पाउन सकेनन् । सात वर्षसम्म पनि ग्र्रीनकार्ड नभएपछि उनी नेपाल फर्केका हुन् ।
‘छोरा पनि अष्ट्रेलिया जाने भयो, जसका लागि भनेर म अमेरिका आएको थिए । उहीनै अष्ट्रेलिया जाने भएपछि म पनि फर्किए,’ उनले भनेका छन्। ‘लयरको एउटा गल्तीले गर्दा सात वर्षमा पनि भएन । छोरा अष्ट्रेलिया उँड्यो । म किन बस्ने ?’
उनको भोगाइमा अमेरिकामा दुई काम गर्ने असाध्यै इडियट हुन्छन् । पहिलो तँ कहाँ काम गर्छस् ? कस्तो काम गर्छस्, कति डलर कमाउँछस् भनेर सोध्नेलाई असाध्यै मुर्ख भनिन्छ । अर्को आइतबबार बिहानै फोन गर्नेलाई । किनकी हप्ताभरि कमाएर शुक्रबार र शनिबार मरुन्जेल खाएर सुतेका हुन्छन् । आइतबार त्यही भएर कसैले पनि बिहानै फोन गर्दैनन् । त्यसलाई महाइडियट भनिन्छ ।
सेभेन इलेभेन, पिज्जा डेलिभरिसम्मका काम गरेर नेपाल फर्किका पौडेलसँगको ठूलोपर्दाको यो अन्तरवार्ता रमाइलो र सान्दर्भिक लागेर हिमालय खबरले साभार गरेर प्रकाशन, प्रशारण गरेको छ । प्रस्तुत छ हाँस्य कलाकार अर्थात ‘प¥या म बेहोरौला’ को थेगोबाट चर्चित पौडेलसँग ठूलोपर्दा टिभीले लिएको यो अन्तरवार्ता ।
प्रतिक्रिया