हिमालयखवर संवाददाता
अमेरिका- ह्वाइट हाउस प्रशासन दैवि प्रकोपमा परेका देशका अमेरिकामा भएका आप्रवासीलाई बस्न र कामगर्ने दिने व्यवस्था टीपीएस खारेज गर्ने पक्षमा देखिएको छ । यो राष्ट्रपति डोनाल्ड ट्रम्प प्रशासनको आप्रावासी माथिको अर्को प्रहार हो । केही दिन अघि ट्रम्पले डीभी लटरी बन्द गर्ने घोषणा गरेका थिए ।
गत नोभेम्बर ६ मा निकारागुवाका करिब २ हजार ५०० ले पाएको यस्तो अधिकार समाप्त गरिएको कार्यवाहक होमल्याण्ड सेक्युरिटी सचिव एलाइन डुकले घोषणा गरेकी थिइन । यसपछि हण्डुरेसका आप्रावासीले पाएको टीपीएस पनि रद्द गर्न ह्वाइट हाउस प्रशासनले होमल्याण्ड सेक्यूरिटीलाई दबाब दिएको थियो । सन् १९९८ मा आएको समुन्द्री आंधीका कारण यी देशका आप्रावासीले टीपीएस पाएका थिए ।
यदि ह्वाइट हाउस प्रशासनको चाहना अनुसार टीपीएस रद्द भएभयो यस मार्फत अमेरिकामा बस्ने र काम गर्दै आएका करिब ६ लाख भन्दा बढी आप्रावासी फकर्नु पर्ने छ । यसमा १ लाख ९० हजार एलसाल्भाडोर, ५७ हजार हुन्डुरस र ५० हजार हाईटीका छन् । यसमा करिब १० हजार भन्दा बढी नेपालका पनि छन् । टीपीएस रद्द भए यी डिर्पोटेशनमा पर्ने टाइम म्यागेजिनले उल्लेख गरेको छ ।
टीपीएस अस्थायी बसोबास अनुमति भएपछि पटक पटक ६ महिना देखि १८ महिना सम्म समय थपिदैं आएकाले स्थायी हुन पगुेको हुदां राष्ट्रपतिले केही निर्णय लिनु पर्ने अवस्था आएको यो रद्द हुनुपर्छ भन्नेहरुको दाबी छ । दैवि प्रकोप पछिको अवस्थामा आफ्नो देश फर्किने उपयुक्त वातावरण छैन भन्ने आधारमा उक्त देशका आप्रावासीलाई मानवीय आधारमा टीपीएस दिई अमेरिकाले बस्ने र काम गर्ने अधिकार दिएको हो ।
तर, यस मार्फत स्थायी बसोबासका लागि चाहिने ग्रिनकार्ड वा नागरिकता भने लिने सकिने प्रावधान छैन । यो पाउने आफ्नो देश जान र आउन सक्ने भए पनि परिवार ल्याउंन पाउंदैनन । टीपीएस लिनेले अन्य ग्रिनकार्ड पाउन सक्ने आधार भएमात्र निवेदन दिन सक्छन् । अमेरिकी नागरिक सँग विवाह, रोजगार दाताको स्पोन्सर लगायतका उपाय नगरी टीपीएसवाट ग्रिनकार्ड पाउन सकिदैंन ।
अमेरिकी प्रशासन अस्थायी प्रावधानलाई यही अनुसार अगाडी बढाउने पक्षमा रहेकाले पनि यो कार्यक्रम रद्द हुने सम्भावना बढेको हो । यदि तपाईँ टीपीएसमा हुनुहुन्छ भने अहिलेनै ग्रिनकार्ड लिने उपाय गर्नु उपयुक्त हुने इमिग्रेशन विज्ञहरुको सुझाव छ ।
तीन जना सांसदले टीपीएस पाउनेलाई ग्रिनकार्ड दिनुपर्ने विद्येयध ल्याउन लागेको सार्वजनिक गरेका छन् । नेपाली आप्रावासीले पाएको टीपीएस अवधि पनि महिना पछि सकिदैं छ । यसलाई निरन्तरता गराउन नेपालीले संस्थागत प्रयास भने थालेका छन् । तर, विपक्षी डेमोक्र्याट पार्टीका सांसदको अगुवाईमा आउने लागेको यो विद्येयक पास हुने सम्भावना तत्काललाई न्यून छ ।
प्रतिक्रिया