हिमालयखवर संवाददाता
ड्यालस (अमेरिका) – अमेरिकामा बसोबासका लागि सबैभन्दा उपयुक्त ठाउँ कहाँ होला ?
विशेषगरि अवअागन्तुक धेरै नेपालीहरूले राख्ने जिज्ञासा हो यो । रोजगारीको अवसर, स्वास्थ, शिक्षा, यातायात, पुर्वाधारका हिसाबले सुबिधा सम्पन्न स्थानहरू नेपाली र अधिकांश अाप्रवासीले हेर्ने तथ्यहरू हुन् ।
हुनतः अमेरिकाका सबै ठाउँमा पूर्वाधारहरू पुगेका हुन्छन् । कुनै पनि ठाउँ पूर्वाधारका हिसाबले बिकट लाग्दैनन् । तरपनि अमेरिकामा बसोबासका लागि सबैभन्दा उपयुक्त स्थानहरूको सूचि हरेक वर्ष सार्वजनिक हुन्छ ।
यस वर्ष 'मनी म्यागेजिन' ले अमेरिकामा बसोबासका लागि सबैभन्दा उत्कृष्ठ ५० स्थानको सूचि सार्वजनिक गरेको छ ।
स्थानीय कर, घरको मूल्य, स्कूलको स्तरलाइ पनि मापदण्ड बनाइएको छ । त्यस्तै अागामी १० वर्षसम्मको रोजगारीको वृध्दिदरलाइ पनि अाधार मानिएको छ ।
मनी म्यागेजिनले सार्वजनिक गरेको अमेरिकाका उत्कृष्ठ स्थानमा ५० वटै राज्यका अरू स्थानलाइ पछि पार्दै इण्डियानाको फिसर सिटी पहिलो भएको छ । ८६ हजार जनसंख्या रहेको फिसर सिटीमा मध्यमस्तरको घरको मूल्य अाैसत दुइलाख ३६ हजार डलर पर्छ । त्यस्तै मध्यमस्तरको परिवारको अाम्दानी बार्षिक ८७ हजार डलर छ ।
बसोबासको लागि दोस्रो उत्कृष्ठमा टेक्ससको एलन सिटी परेको छ । ड्यालस नजिकै रहेको एलन सिटी रोजगारीको हिसाबले सबैभन्दा उपयुक्त रहेको म्यागेजिनले जनाएको छ । अाउँदो १० वर्षमा एलनको रोजगारी वृध्दिदर १७ प्रतिशत रहने अनुमान छ ।
एलनको जनसंख्या ९६ हजारमात्र रहेको छ। घरको मूल्य अैासत ३ लाख २३ हजार डलर पर्छ । एलनमा मध्यम स्तरको परिवारको अाम्दानी १लाख ४ हजार डलर छ ।
तेस्रो नम्बरमा क्यालिफोर्नियाको मोन्ट्रे पार्क सिटी परेको छ । ६२ हजार जनसंख्या, मध्यमस्तरको घरको मूल्य ५ लाख ३३ हजार, अाम्दानी बार्षिक ५७ हजार डलर रहेको मोन्ट्रे सिटीको अागामी १० वर्षको रोजगारी वृध्दिदर ४ दशमलव ७ प्रतिशतमात्र छ ।
चाैथो नम्बरमा टेनिसीको फ्रेंकलिन सिटी परेको छ भने पाँचाै नम्बरमा मिसिसिपीको अोलिभ ब्रान्च छ । छैठाै नम्बरमा नर्थ डकोटाको डिकिन्सन, साताै नम्बरमा कोलोराडोको लनट्री, अाठाै नम्बरमा न्यूजर्सीको न्यू अार्लिंगटन, नवाै नम्बरमा इलिनोइजको सेनवर्ग १० नम्बरमा मोनाटाको बोजेमन सिटी परेका छन् ।
बसोबासका लागि उत्कृष्ठ ५० सिटीहरूमा टेक्ससका चार सिटी परेका छन् । दोस्रो नम्बरमा एलन, १९ नम्बरमा ग्रेपभाइन, २० नम्बरमा वाइली र २३ नम्बरमा बेडफोर्ड परेका छन् ।
टेक्ससका सिटीहरूमा अन्य राज्यहरूको तुलनामा रोजगारीको वृध्दिदर उच्च रहेको छ ।
प्रतिक्रिया