क्यालिफोर्निया लसएन्जल्समा-
एनआरएन अमेरिकाकी उपसभापति उमा कार्की थापाको संयोजकत्वमा एनआरएन अमेरिको एक महत्त्वपूर्ण निकाय, एनआरएन हेल्प डेस्कको औपचारिक घोषणा गरिसकेको छ ।
एनआरएनए अमेरिकाले पश्चिम क्षेत्रीय उपाध्यक्ष उमा कार्की थापाको संयोजकत्वमा एनआरएन हेप्प डेस्क स्थापना गर्नै निर्णय गरेको थियो ।
सोही बमोजिम संयोजक थापाद्धारा प्रस्तुत अवधारणापत्रलाइ एनआरएनए अमेरिकाको सेप्टेम्बर १ मा बसेको बैठकले सर्वसम्मतले पारित गरेको थियो अमेरिकाको विभिन्न भागलाई प्रतिनिधित्व गर्ने गरी सात सदस्यीय केन्द्रीय समितिलाई पूर्णता दिएको छ ।
मानोनित सदस्यहरूमा थलराज पन्त टेक्सस, सुमन बस्ती इलिनोइ, वासुदेव खनाल कोलोराडो, सञ्जय थापा न्यु योर्क, विश्वमान आङ्दम्वे जर्जिया र सदस्य सचिवमा मणिनेपाली पनेरु क्यालिफोर्निया रहनु भएको छ ।
त्यसै गरी सो अवधारणापत्र अनुसार राज्य तहमा जनघनत्व र आवश्यकताका अधारमा १ राज्य संयोजक र १ राज्य सचिव सहित अधिकतम २१ सदस्य राज्य समिति गठन गर्न सकिने प्रावधान राखिएको छ । उपाध्यक्ष थापाले केन्द्रीय संयोजन समितिको गठन च्याप्टर लगायत अन्य ठाउहरुमा पनि हेल्प डेस्क स्थापना गर्ने सन्दर्भमा यो पहिलो र महत्त्वपूर्ण कदम भएको बताउँनु भयो ।
अब अमेरिकाभर एनआरएन च्याप्टर र स्थानीय सङ्घ संस्थाहरूको सहभागितामा हेल्प डेस्कहरु गठन गरिने र विभिन्न समस्यामा परेका नेपालीको समस्या समाधानको लागी पहल गर्ने उध्येश्यले एनआरएन हेल्प डेस्को स्थापना भएको हो I
यसै सन्दर्भमा क्यालिफोर्निया लसएन्जल्समा यही अक्टोबर २९ तारिख आइतबारको दिन बेलुकी ७:३० बजे नेपाल अमेरिका एकता समाजको कार्यलयमा हेल्प डेस्क गठन गर्ने कार्यक्रमको आयोजना गरिएको छ साथै कार्यक्रममा यसै सूचना मार्फत लसएन्जल्समा स्थित सङ्घ संस्था, पत्रकार र सामुदायिक सदस्य हरुलाई हेल्प डेस्कका संयोजक थापाले हार्दिक आमन्त्रण समेत गरिएको छ ।
प्रतिक्रिया