चितवन । चितवनको भरतपुर महानगरपालिकामा पुनः मतदान गराउने कि मतगणनालाई निरन्तरता दिने भन्ने विषय थप लम्बिएको छ ।
कायम मुकायम प्रधानन्यायाधीश गोपालप्रसाद पराजुली र न्यायाधीश हरिकृष्ण कार्कीको संयुक्त इजलासले निर्वाचन आयोगले के आधारमा फेरि मतदान गराउने निर्णय गरेको हो । सो को निर्णय अदालतमा मगाउने निर्णय गरेको छ ।
संयुक्त इजलासले च्यातिएका मत पत्र, निर्वाचन आयोगको सक्कल निर्णय र मतपत्र च्यात्नेमाथि लगाइएको मुद्दाको सक्कल सात दिन भित्र अदालतमा झिकाउन आदेश दिएको छ ।
अदालतले आदेश नदिएपछि भरतपुर मुद्दा थप लम्बिएको छ । भरतपुर महानगरपालिकाको वडा नम्बर १९ मा मतगणना चलिरहेको बेला माओवादी प्रतिनिधिले मत पत्र च्यातेका थिए । त्यसपछि निर्वाचन आयोगले फेरि मतदान गराउने निर्णय गरेको थियो । आयोगको निर्णय मन नपरेपछि एमाले कार्यकर्ता अदालत गएका थिए ।
यो मुद्दामा ७ गते मंगलबार नै आदेश आउने अपेक्षा गरिएको थियो तर केही समयको लागि यो मुद्दा थप लम्बिएको छ ।
भरतपुर प्रकरणबारे सर्वोच्चमा बहस सुरु
भरतपुर महानगरपालिका वडा नम्बर १९ मा मतपत्र च्यातिएको विषयमा सर्वोच्च अदालतमा बहस सुरु भएको छ । कामु प्रधानन्यायाधीश गोपाल प्रसाद पराजुली र हरिकृष्ण कार्कीको इजलासमा बहस सुरु भएको हो । रिट निवेदकका तर्फबाट बहस भैरहेको छ ।
भरतपुर महानगरपालिका वडा नं १९ मा पुनः मतदान गराउने निर्वाचन आयोगको निर्णयविरुद्ध सर्वोच्च अदालतमा सोही वडाका एमालेका स्थानीय नेता गुञ्जमान विक र अधिवक्ता तुलसीराम पाण्डेले रिट दायर गरेका थिए ।
प्रतिक्रिया