रंगिदै छन् मुहार पुस्तिकाका पानाहरु
जित र हारका उही पुरानै रंगमंचहरु
उस्तैगरि कहिले दाइ र कहिले भाइको पालो
हार्ने र जित्ने दुबैलाइ ठूलै चटारो iii
गाइ, सुर्य, रुख र अनेकौँ चित्रहरु
चित्रचित्र भित्रका अनेक बिचित्रहरु
देखिँदै छ उही पुराना शैलीहरु
सजिलै भरिएका बेमौसमी थैलीहरु iii
घाउसम्म नपुगी यसै सुकेका मलमहरु
जथाभाबी घुमेका पत्रकारका कलमहरु
न्याउरी मारि पछुताएका राष्ट्रनायकहरु
ढुंगामुढाले थिचिएका कानुनकर्मीहरु iii
फेरिपनि गन्तब्य बिहिन यात्रा चल्दै छ
उस्तैगरि देशको स्वाभिमान जल्दैछ,
ल टुलुटुलु हेर्दै ताली ठोकम् जनता
मेरो देशमा कहिँकतै नभाको जात्रा चल्दैछ ii
– फ्रिस्को, टेक्सस
प्रतिक्रिया