फेसबुकमा केही महिनायता 'माई फर्स्ट भिडियो' को नामबाट साथीको एकाउन्बाट तपाईंलाई आइरहेको छ ।साथीहरुलाई समेत ट्याग गरेर तपाईंको म्यासेज बक्समा आएको यो भिडियोलाई क्लिक गरि हेर्न भनिएको हुन्छ ।
तीब्र गतिमा फैलिरहेको यो भाइरसले फेसबुकका प्रयोगकर्तलाई शिकार बनाइरहेको छ । खासमा 'माई फर्स्ट भिडियो' को नामबाट यो भाइरस भिडियो जस्तै दृश्यमा तपाईंको साथीको एकाउन्टबाट तपाईंलाई पनि म्यासेज आइरहेको हुन्छ। फेसबुक पोस्टमा तपाईंलाई समेत ट्याग गरेर पोस्ट गरिरहेको हुन्छ ।
म्यासेज बक्समा आएको यो भिडियसहितको लिंक (भाइरस) लाई तपाईंले एक क्लिक गर्नेबित्तिकै आफैं तपाईंका फेसबुक साथीको म्यासेज बक्समा पुगिसक्छ ।
तपाईंको एकाउन्टबाट गएको यो भाइरसलाई तपाईंका साथीले भिडियो अथवा अश्लील एमएमएसका रुपमा बुझ्न पुग्छन् । कतिपयले तत्कालै भिडियो ठानेर क्लिक गर्दा यो भाइरसको तत्काल शिकार भइजान्छन् ।
यो लिङ्क तपाईंको साथीको म्यासेज बक्समा गएपनि आफ्नो एकाउन्ट चलाउन, कुनै पोस्ट या फोटो हाल्न र कमेन्ट गर्न भने सक्नुहुन्छ ।
भाइरस पसेपछि यसलाई हटाउनका लागि तपाईंलाई फेसबुकले रिभ्यु म्यासेज पठाउनेछ । सेक्यूरिटी चेक जवाब दिएपछि तपाईंले आफ्नो सिस्टमलाई स्क्यान गरेर पुरानै अवस्थामा फेसबुक चलाउन सक्नुहुन्छ । -एजेन्सी
प्रतिक्रिया