फेसबुकले आफ्नो स्मार्टफोन एप्लिकेसनमा केही परिवर्तन गरेको छ, जसका कारण विन्डोज फोनमा अब फेसबुकका कतिपय फिचर्सले काम गर्नेछैनन् ।
फेसबुकले पछिल्लोपटक गरेको परिवर्तन विन्डोज फोनका लागि सकारात्मक नरहेको माइक्रोसफ्टले पुष्टि गरेको छ ।
यसअघि विन्डोज फोनमा फेसबुक प्रयोग गर्नेहरु माइक्रोसफ्ट आउटलुकमा सिधै जोडिएर एक अर्कोसँग सिंक्रोनाइज्ड हुन सकिन्थ्यो । विन्डोज फोनबाट खिचिएका फोटो वा माइक्रोसफ्टको वन ड्राइभमा राखिएका फोटोहरु समेत फेसफुकमा शेयर गर्न सजिलो हुन्थ्यो । तर फेसबुकमा भएको परिवर्तन सँगै अब विन्डोज फोन प्रयोगकर्ताले यी सुविधाहरु उपभोग गर्न पाउनेछैनन् ।
क्यालेन्डर, फोटो, वनड्राइन, आउटलुक, कन्टेक्स्ट, मूभी मेकर जस्ता फिचरका साथै विन्डोज फोन सेभेन, विन्डोज फोन ८ तथा ८.१ मा फेसबुक प्रयोगमा समस्या देखिने बताइएको छ ।
विन्डोज फोनमार्फत फेसबुकमा फोटो शेयर गर्ने तथा क्यालेन्डर अपडेट गर्नमा कठिनाइ उत्पन्न हुनेछ ।
कार्यालयको कामका लागि विन्डोज फोन प्रयोग गरिरहेकाहरुले पनि कठिनाइ बेहोर्नुपर्नेछ, किनकी अफिस ३६५ आउटलुक वेब एपले पनि काम गर्नेछैन ।
स्मरण रहोस् विश्वमा स्मार्टफोन प्रयोगकर्ता मध्ये ३ प्रतिशतले विन्डोज स्मार्टफोन प्रयोग गर्ने गरेका छन् । एन्ड्रोइड अपरेटिङ सिस्टम प्रयोग गर्ने भने ७० प्रतिशत रहेका छन् ।
माइक्रोसफ्टले आफ्नो नयाँ स्मार्टफोन अपरेटिङ सिस्टम विन्डोज १० छिटै सार्वजनिक गर्ने तयारी ग्ारेको छ । त्यसैले आफ्ना फोन प्रयोगकर्ताहरुले भोग्नुपर्ने समस्याका विषयमा उसले प्रष्ट पार्न चाहेको छ ।
प्रतिक्रिया