अमेरिका समाचार

मेरिल्याण्डमा बैंक लुट्दै गर्दा सम्राट लामा गिरफ्तार

प्रकाशित |

मेरिका- मेरिल्याण्ड राज्यको मन्टोमेरी काउण्टी स्थित गिर्थरबर्ग प्रहरी विभागले करिव ३० बर्षका सम्राट लामालाई बैंक लुट्दै गर्दा पक्राउ गरेको छ । 

हतियार सहित बैक डकैती गर्ने क्रममा लामा पक्राउ परेको प्रहरीलाई उदृत गर्दै स्थानिय संचारमाध्यमले जनाएको छ । डकैतीमा पक्राउ परेका लामा कहां वस्थे भन्ने खुलाईएको छैन । 

गत मंगलवार करिव १० बजे विहान ६०७ नर्थ फेड्रिकमा रहेको वाल्स फार्गो बैंक कर्मचारीले ९११ आपतकालिन नम्बरमा फोन मार्फत बैंकमा डकैती भएको जानकारी दिएका थिए । 

जानकारी पाएको करिव दुई मिनेटमा प्रहरी पुगेर लामालाई पक्राउ गरेको थियो । 

प्रहरीका अनुसार बचत खाता खोल्न आएको भन्दै लामा बैंकमा प्रवेश गरेका थिए । बैंक कर्मचारी संग कुराकानीकै क्रममा उनले आफ्नो किताव बोक्ने झोलाबाट चक्कु निकाली ति कर्मचारीलाई त्रर्साएका थिए । 

त्यसपछि उनले काउन्टरका कर्मचारीसंग फोहोर फाल्ने प्लाष्टिकको झोलामा पैसा हाल्न लगाएका थिए । यो पैसा उनले आफ्नो झोलामा कोचेका थिए । यतिले नपुगेर लामा ड्राइभ थु्रु काउण्टरमा समेत गएर पैसा लुटेका थिए । यसरी  लुटेर बैंक लवि तिर आउंदै गर्दा प्रहरीको फेला परेका हुन् । 

उनलाई प्रहरीले हातहतियार सहित डकैतीमा संलग्न रहेको आरोपमा हिरासतमा राखेको छ । तस्बिर: सामाजिक संजाल 

हिमालयखवर संवाददाता

हिमालयखवर संवाददाता -

थप »

प्रतिक्रिया