चितवन । चितवनमा थप २०४ जनामा कोरोना भाइरस पुष्टि भएको छ । चितवन मेडिकल कलेजको प्रयोगशालामा परीक्षण गरिएकामध्ये २०४ जनामा कोरोना पुष्टि भएको हो ।  

यसअघि भरतपुर कोभिड अस्पतालको प्रयोगशालामा गरिएको नमुना परीक्षणमा आठ जनामा कोरोना पुष्टि भएको थियो । यससँगै चितवनमा एकैदिन ११२ जनामा कोरोना संक्रमण पुष्टि भएको छ । 

चितवन मेडिकल कलेजको प्रयोगशालामा गरिएको परीक्षणमा भरतपुर १ का ५ जना, भरतपुर २ का ११ जना, भरतपुर ३ का ५ जना, भरतपुर ४ का ३ जना, भरतपुर ५ का १ जना, भरतपुर ६ का २ जना, भरतपुर ७ का १ जना, भरतपुर ८ का २ जना, भरतपुर ९ का ३ जना र भरतपुर १० का २४ पुरुषमा संक्रमण देखिएको हो ।   

यसअघि भरतपुर अस्पताल कोभिड प्रयोगशालामा गरिएको परीक्षणमा भरतपुर महानगरपालिकाका २, खैरहनी नगरपालिकाका १ र राप्ती नगरपालिकाका ५ जना सशस्त्र प्रहरीमा संक्रमण पुष्टि भएको छ । 

यससँगै चितवनमा कोरोना संक्रमितको संख्या १५ सय नाघेको छ । जिल्ला स्वास्थ्य कार्यालयका अनुसार शुक्रबार बेलुकीसम्ममा संक्रमितको संख्या एक हजार ५१४ पुगेको छ ।

जसमा भरतपुर महानगरमा ९९२, रत्ननगर नगरपालिकामा १८८, राप्ती नगरपालिकामा १२३, खैरहनी नगरपालिकामा ८८, त्यस्तै माडी नगरपालिकामा ५५, कालिका नगरपालिकामा ५५ र इच्छाकामना गाउँपालिकामा १३ जना छन् ।